Shëndetësi

Dallimi mes alergjive dhe koronavirusit, mjektët: Temperatura, simptoma kryesore për virusin

Autori: Gazeta inFokus 08:15 | 30 June 2020

Shpeshherë qytetarët ngatërrojnë simptomat e koronavirusit me ato të alergjive, mjekët alergolog thonë se shenja dalluese mes dy rasteve është temperatura e lartë e trupit ndërsa thonë se ka pasur një shtim të vizitave për alergjitë.

Rreziku i përhapjes së koronavirusit i bënë qytetarët të ndihen të frikësuar sa herë që ndiejnë simptoma të ngjashme me ato të covid 19.

Por mjekët alergologë bëjnë të qartë dallimin midis shenjave të dyja rasteve.

-Advertisement-

Mjekja alergologe në qendrën shëndetësore të specialitetev 2 në Tiranë Alketa Ibranji thotë se temperatura është simptoma dalluese.

“Dallimi kryesor që ne vërejmë tek pacienti është pikërisht temperatura. Një alergji nuk jep kurrë temperaturë”.

Alergjitë stinore gjithmonë i kanë drejtuar qytetarët të mjeku, ndërsa prej këtyre të fundit pohohet se ka pasur një fluks të pacientëve.

“Nëse në periudhën e izolimit ka pasur një fluks telefonatash, tani me lehtësimin e masave dhe aksesin më të lehtë të pacientëve në spitale ka një fluks tjetër”.

Por pavarësisht kësaj, bluzat e bardha apelojnë qytetarët të tregohen të kujdesshëm për çdo simptomë që paraqesin, duke kërkuar fjalën përfundimtare nga mjekut për gjendjen e tyre shëndetësore.

Subscribe në YouTube: GAZETA INFOKUSI
Etiketa:

Të tjera

Fokusi

shendetesi