Lajme

Dallimet e dhjetëshes së PDK’së sivjet dhe në zgjedhjet e kaluara

Autori: Gazeta inFokus 21:38 | 16 January 2021

PDK’ja përdallim nga viti 2019, në këto zgjedhje do të shkojë pa kryetarin e saj, Kadri Veselin. Zëvendësi i tij, Enver Hoxhaj, në dhjetëshen e këtyre zgjedhje ka bërë disa ndryshime, shkruan Express.

Në vitin 2019, menjëherë pas Veselit, në listë vinte Hajredin Kuqi. Nërkohë në këto zgjedhje, Kuqi ka vendosur të mos kandidojë për deputet. Numrin e tij, në listën e Enver Hoxhajt e bart Uran Ismaili.

Numrin tre në listë e mban Eliza Hoxhaj, njëjtë si në zgjedhjet e 2019, shkruan Express.

-Advertisement-

Numrin e Enver Hoxhajt në vitin 2019 tash e mban Bedri Hamza, i përfolur si kandidat i mundshëm për kryeministër nga PDK’ja.

Në vitin 2019, numrin 5 në PDK e mori Valon Murati, i cili cuditërisht nuk u zgjodh deputet. Ndërsa në këto zgjedhje këtë numër do ta mbajë Memli Krasniqi.

Besa Ismaili Ahmeti e cila mbante numrin 6 në zgjedhjet e kaluara, këtë vit ka mbetur jashtë dhjetëshes së PDK’së. Këtë numër e mban mbesa e Hashim Thaçit – Evgjeni Thaci Dragusha.

Xhavit Haliti i cili nuk ishte kandiduar fare në zgjedhjet e kaluara, këtë vit mban numrin 7.

Numrin tetë të Bedri Hamzës në zgjedhjet e kaluara e mban Bajrush Xhemajli.

Numrin nëntë në këto zgjedhje e mban Blerta Deliu Kodra, njëjtë si në zgjedhjet e tjera.

Ndërkohë numri dhjetë i zgjedhjeve të kaluara, Uran Ismaili, në këto zgjedhje është menjëherë pas Enver Hoxhajt, pra bart numrin dy.

Dhjetëshja e PDK’së në këto zgjedhje.

Dhjetëshja e PDK’së në zgjedhjet e kaluara.

Subscribe në YouTube: GAZETA INFOKUSI

Të tjera

Fokusi

lajme