Lajme

Dalin emrat: A ka shqiptar mes ushtarëve grekë të arrestuar Turqi?

Autori: Gazeta inFokus 00:28 | 03 March 2018

Arrestimi i dy ushtarëve grekë nga xhandarmëria turke në zonë kufitare me Turqinë ka rritur tensionet mes dy vendeve. Gjatë pasdites së sotme, gjykata e Adrianopolit në Turqi ka dhënë vendimin për dy ushtarët duke i lënë ata në burg.

Gjykata vendosi që ushtarët të rrinin në qeli me akuzën se kishin shkelur në mënyrë të paligjshme territorin turk, ndërkohë që turqit dyshojnë se ata kanë kryer edhe veprimtari spiunazhi, gjë e cila u mohua kategorikisht prej tyre, përcjell Albeu.com.

Fillimisht pati raportime që njëri prej tyre të ishte me origjinë shqiptare, nisur edhe nga fakti se në kufirin greko-turk shërbejnë mjaft shqiptarë, por ky dyshim nuk u konfirmua.

-Advertisement-

Ushtarët e arrestuar janë Angelos Mitroodis dhe Demetrios Kouklitzis.

Para gjykatës, ushtarët kanë deklaruar se kishin humbur mes dëborë, e cila arrinte 25 centimetër.

“Humbëm në dëborë dhe pastaj filluam të ndiqnim disa gjurmë që pamë aty. Nuk dimë si u gjendem në territorin turk. Aty erdhën rojet dhe na arrestuan duke na marrë armët dhe celularët”., janë shprehur ata .

Grekët e cilësuan si një incident normal në kufi sicc ndodhin shpesh në atë zonë, por ngjarja është fryrë shumë nga autoritetet turke sipas mediave greke. /albeu.com/

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

lajme