Kryetarja e Komisionit Qendror Zgjedhor (KQZ), Valdete Daka, u ka bërë thirrje partive politike dhe kandidatëve për kryetar dhe asamble komunash që t’iu përmbahen ligjeve dhe kodit të mirësjelljes gjatë fushatës zgjedhore.

Ajo këtë mesazh e dërgoi edhe te studentët e Fakultetit Juridik të Universitetit të Prishtinës “Hasan Prishtina”, ku është mbajtur stimulimi i zgjedhjeve lokale.

Para studentëve, kryetarja e KQZ-së ka treguar edhe një historik të shkurtër për procesin zgjedhor të pasluftës në Kosovë.

-Advertisement-

“Dua të bëj një thirrje në emër të KQZ-së që të gjitha subjektet politike, kandidatët dhe mbështetësit e tyre që t’u përmbahen ligjeve, respektivisht kodit të mirësjelljes. Kjo është rruga e vetme dhe rruga e duhur për të shërbyer të organizuar zgjedhje të lira dhe demokratike. Duhet ta kemi parasysh se do të kemi vëzhgues nga vende të ndryshme të botës dhe duhet të vazhdojmë të tregojmë shembullin tonë të zgjedhjeve të lira dhe demokratike. Po ashtu, më vjen mirë që sot jemi bashkë të dhënë mesazhet tona për vlerën dhe rëndësinë që ka e drejta për të votuar. Sigurisht se këto terma janë të zakonshme në fushën tuaj të studimit. Pra, mos të harrojmë se jeni studentë të drejtësisë, e me siguri që keni mësuar edhe për rëndësinë e zgjedhjeve dhe për të gjitha sistemet demokratike dhe se si ato duhet të organizohen”, tha Daka.

 

Ajo po ashtu në veçanti i ka ftuar gjithë studentët që të shfrytëzojnë të drejtën e tyre kushtetuese për të votuar.

“Më lejoni që t’u kërkoj edhe juve të gjithë studentëve si dhe studentëve të tjerë, të cilët nuk janë këtu, që të gjithë më datën 22 tetor të shfrytëzoni të drejtën kushtetuese, të cilën e gëzoni të gjithë. Të gjithë së bashku, duhet të bëjmë përpjekje të vazhdueshme për të forcuar demokracinë dhe ta çojmë vendin tonë përpara përmes zgjedhjeve”, tha Daka.

Historia e zgjedhjeve të Kosovës së pasluftës, sipas Dakës, ka filluar qysh në vitin 2000, kur janë organizuar zgjedhjet herën e parë për Kuvendet Komunale dhe pas tyre për Kuvendin e Kosovës.

Edhe gjatë kësaj periudhe po thuajse dy dekada, Kosova ka shënuar përparime të mëdha edhe në fushën e zgjedhjeve.

Sipas saj qysh nga ajo kohë ka pasur përmirësime të dukshme si rritja e besueshmërisë, në procesin zgjedhor, realizimi me integritete,  rritja e pjesëmarrësve të votuesve në zgjedhje modernizimi i shërbimeve, ishin vetëm disa prej aspekteve të shumta për arritjen e të cilave mbetet çdo herë i përkushtuar KQZ-ja.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-