Daçiq e quan hipokrizi nisjen e masave disiplinore nga FIFA ndaj Serbisë
![](https://gazetainfokus.com/wp-content/uploads/2022/11/66-852x460.webp)
Autori: Gazeta inFokus
14:14 | 27 November 2022
Ministri i Punëve të Jashtme të Serbisë, Ivica Daçiq, ka thënë të dielën se Serbia si shtet nuk mund të reagojë ndaj faktit që Federata Ndërkombëtare e Futbollit (FIFA) ka iniciuar procedurë ndaj kombëtares së Serbisë sepse ato janë organizata sportive, por ai e ka vlerësuar këtë veprim si hipokrit, transmeton Beta në Serbi.
FIFA ka nisur procedurat kundër Federatës së Futbollit të Serbisë pasi një flamur që tregonte Kosovën si pjesë e Serbisë ishte varur në dhomën e zhveshjes para ndeshjes që Serbia luajti me Brazilin në Kupën e Botës.
Serbia luajti kundër Brazilit më 24 nëntor dhe humbi me rezultat 0 me 2.
Një fotografi e flamurit me mesazhin “Nuk ka dorëzim” në serbisht u bë virale në rrjetet sociale kur u shpërnda nga Ministri i Kulturës, Rinisë dhe Sportit i Kosovës, Hajrulla Çeku.
Çeku, e përshkroi imazhin si veprim i përfaqësueses së Serbisë për të përdorur Kupën e Botës për të promovuar “mesazhe urrejtjeje, ksenofobie dhe gjenocidale”.
“Presim veprime konkrete nga FIFA duke pasur parasysh se Federata e Futbollit të Kosovës (FFK) është anëtare e plotë e FIFA-s dhe UEFA-s”, shkroi ai.
Nga ana tjetër ministri i Jashtëm i Serbisë, Daçiq , duke iu referuar nisjes së procedurave disiplinore ndaj përfaqësueses së Serbisë, tha se nuk ka asgjë fyese nëse dikush thotë “Nuk ka dorëzim”.
“Serbia është një vend i njohur ndërkombëtarisht, anëtar i Kombeve të Bashkuara, me Kosovën pjesë të Serbisë, çfarë nuk është në përputhje me të drejtën ndërkombëtare dhe çfarë është ofenduese. Ky është një tregues se sa nuk ka parime, por standarde të dyfishta. Ata kurrë nuk e ndëshkonin Ukrainën kur thoshte se ‘Donbasi është i yni’ dhe ‘Krimea është e jona’, cili është dallimi”, pyeti Daçiq.
Federata Ndërkombëtare e Futbollit (FIFA) ka njoftuar me 26 nwntor se ka nisur masa disiplinore ndaj Federatës Serbe të Futbollit për varjen e një flamuri me përmbajtje politike në raport me Kosovën në dhomat e zhveshjes përpara se të luante të enjten me Brazilin në Kupën e Botës në Katar.
FIFA citoi një pjesë të kodit të saj disiplinor që mbulon sjelljen e pahijshme, duke përfshirë “gjestet, shenjat ose gjuhën fyese” dhe “përdorimin e një ngjarjeje sportive për demonstrime të një natyre josportive”.
FIFA nuk dha një afat kohor se kur do të merret vendimi, megjithëse Serbia do të luajë të hënën, më 28 nëntor kundër Kamerunit./REL
![](https://gazetainfokus.com/wp-content/uploads/2023/10/sami1.jpg)
Të tjera
-
Donald Trump një aset de facto rus, mendon ish-zyrtari i FBI-së i shkarkuar nga ai
Donald Trump mund të shihet si një aset rus, megjithëse jo në kuptimin tradic...
-
Kamenica nënshkruan marrëveshje për 70 njësi banimi
Komuna e Kamenicës ka nënshkruar marrëveshje me ministrin e Ministrisë së Mje...
-
Arrestohet 34-vjeçari në Prishtinë, vodhi veturën e një mërgimtari
Policia e rajonit të Prishtinës, në të vërtetë, njësiti i hetimeve të kryeqyt...
-
Tahiri: Kosova po përjeton izolim të paparë
Ish-kryenegociatorja e Kosovës në dialogun Kosovë-Serbi, Edita Tahiri, ka thë...
-
Rikthehet njëri nga emisionet më të shikuara “Podcast me Shkëlzen Dakaj”
Nga java e ardhshme me 20 Shtator, rikthehet njëri nga emisionet më të shikua...
-
Hapet Thirrja Publike “Mbështetje konsumatorëve familjarë për investimin në pajisje efiçiente për ngrohje”
Në kuadër të pakos emergjente për energji dhe e mbështetur nga Komisioni Evro...
-
Arrest shtëpiak për katër serbë që sụlmuan policët në Mitrovicën e Veriut
Gjykata Themelore në Mitrovicën e Veriut vendosi arrest shtëpiak për 30 ditë ...
-
Rreth 3 mijë qenë endacakë, ka interesim për adaptimin e tyre
Përkundër investimit prej 1.7 milionë euro për zgjidhjen e problemit të qenëv...
-
Sa vite burg rrezikon Sali Berisha? Tregon avokati i tij
Genc Gjokutaj, avokat i kryetarit të Partisë Demokratike të Shqipërisë, Sali ...
-
Seanca plenare e Kuvendit: Deputetët diskutojnë për shëndetin Rriprodhues e raportet e Kosovës me ShBA
Kuvendi i Kosovës sot do të mbajë seancë plenare. Deputetët mblidhen nga ora ...
-
Komuna e Prishtinës pezullon përkohësisht tenderin prej 18 milionë eurosh
Komuna e Prishtinës ka pezulluar përkohësisht tenderin prej 18 milionë euros...
-
Lansohet sot thirrja publike për mbështetjen e konsumatorëve familjarë për investim në pajisje efiçiente për ngrohje
Sot në ora 09:00, Ministria e Ekonomisë, në kuadër të pakos emergjente për en...