Lajme

Daçiq e pranon që gënjeu për videon me Radoiçiqin: Gabova, s’desha ta shfajësoj

Autori: Gazeta inFokus 18:38 | 01 October 2023

Ministri serb i Punëve të Jashtme, Ivica Daçiq, është deklaruar lidhur me atë se çfarë ka thënë për videon që u prezantua nga Kosova për situatën që ka ndodhur më 24 shtator 2023 në Banjskë.

Ai e ka tërhequr deklaratën e tij duke thënë se ka qenë gabim i tij dhe se nuk ka dashur të dëmtojë apo justifikojë askënd, shkruan Danas.

“Dikush më tha se ishte një video më e vjetër, nuk e kontrollova, gabimi im, nuk kam dashur ta shfajësoj Radoiçiqin”, ka thënë ministri i Jashtëm serb duke iu referuar pamjeve ku shihej Millan Radoiçiq dhe grupi i tij terrorist në manastirin e Banjskës pas sulmit terrorist që ndodhi më 24 shtator ku i vrarë mbeti një polic i Kosovës.

-Advertisement-

Gjashtë ditë pas sulmit që ndodhi, avokati i Radoiçiqit, Goran Petronijeviq, lexoi një letër e cila, sipas tij, ishte shkruar nga ai.

Në këtë letër ai ka pranuar se ka qenë mbrapa sulmit terrorist të 24 shtatorit në fshatin Banjskë të Zveçanit.

Subscribe në YouTube: GAZETA INFOKUSI
Etiketa:
Blerando i Big Brother Vip Kosova – fytyra e re e Prince Espresso
-Advertisement-

Të tjera

Fokusi

lajme