Lajme

Daçiq: Çekia nuk e fut në procedurë aplikimin e Kosovës për në BE, por vetëm i informon vendet anëtare të saj

Autori: Gazeta inFokus 19:23 | 19 December 2022

Shefi i diplomacisë serbe, Ivica Daçiq, gjatë takimit me homologun e tij, grek Nikolas Dendisa, ka thënë se sipas informacioneve që disponon, Çekia si kryesuese e Bashkimit Evropian do ta procedojë kërkesën e Kosovës për anëtarësim në BE, por vetëm do t’i informojë shtetet anëtare se e ka pranuar kërkesën e Kosovës.

“Republika Çeke e ka pranuar aplikacionin dhe sipas njoftimeve, në seancën që duhet të mbahet këtë javë, ata vetëm do të informojnë se e kanë pranuar aplikacionin dhe nuk do ta vendosin më tej në procedurë”, ka theksuar Daçiq.

Më tutje, Daçiqi ka treguar se  nga 1 janari i vitit 2023 Suedia do të jetë pasues Çekisë pasi ajo do ta merr presidencën e BE-së.

-Advertisement-

“Vendimet e tilla merren me konsensus, i cili aktualisht nuk ekziston sepse pesë anëtarë të BE-së, përfshirë Greqinë, nuk e kanë njohur Kosovën, ndërsa Hungaria, pavarësisht se e ka njohur Kosovën, nuk e voton Kosovën në forumet ndërkombëtare”, ka shtuar ai.

Ndërkoh ministri i Jashtme serb e ka komentuar dhe aplikimin e  Kosovës në Këshillin e Evropës(KiE), ku ka thënë se shqyrtimi i krekës është shtyrë  dhe sipas tij Serbinë në vitin e ardhshme e pret një luftë e vështirë diplomatike.

“Irlanda nuk donte ta përfundonte atë punë gjatë mandatit të saj. Tani është radha e Islandës… Duke qenë se Islanda po mban një Samit të vendeve anëtare të Këshillit të Evropës, nuk është në interesin e tyre të nxisin probleme të ndryshme”, ka theksuar ai.

“Është në interesin e tyre që të arrihet një marrëveshje. Prandaj presim që kjo temë ndoshta të mos jetë kaq shpejt në agjendë”, ka përfunduar Daçiq.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme