Lajme

Daçiq: Asociacioni është hapi i parë, i cili është kusht për zbatimin e gjithçka tjetër që po diskutohet

Autori: Gazeta inFokus 13:51 | 30 Prill 2023

Ministri i Punëve të Jashtme të Serbisë, Ivica Daçiq, e ka ripërsëritur qëndrimin e shtetit të tij se “nuk do ta njohin kurrë Kosovën”.

Ai ka thënë se do të vazhdojnë ta kundërshtojnë anëtarësimin e Kosovës në organizatat ndërkombëtare edhe pse sipas marrëveshjes së Brukselit mes Kosovës dhe Serbisë më 27 shkurt, Beogradi zotohet se nuk do ta pengojë Kosovën në rrugën drejt anëtarësimit në asnjë organizatë ndërkombëtare.

“Sipas udhëzimeve të presidentit Vuçiq, e kam thënë qartë qëndrimin e Serbisë – nuk do ta njohim kurrë Kosovën, nuk do të votojmë për pranimin e Kosovës në OKB, dhe Asociacioni i Komunave me Shumicë Serbe është hapi i parë, i cili është kusht për zbatimin e gjithçka tjetër që po diskutohet”, është shprehur ai.

-Advertisement-

Teksa ka folur për themelimin e Asociacionit, Daçiq ka potencuar se “është e sigurt se tani do të tentojnë ta minimizojnë plotësisht historinë e Asociacionit sa i përket autoritetit”.

“Është edhe qesharake edhe tragjike. Kur kësaj i shtohen edhe lëvizjet e njëanshme që bëjnë vazhdimisht. E gjithë kjo është jashtë marrëveshjes”, shtoi ai.

“Ne nuk kemi frikë as nga Kurti, as nga Gërvalla, duhet të ketë frikë nga ata ndërkombëtarët”, qa thënë kryediplomatii serb.

Ndryshe, në takimin e radhës mes kryeministrit të Kosovës, Albin Kurti dhe presidentit të Serbisë, Aleksandër Vuçiq që do mbahet më 2 maj në Bruksel, do të jetë pjesë e agjendës edhe draft-statuti i parë i Asociacionit të Komunave me Shumicë Serbe.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy