Lajme

Daci: Mustafa të tërhiqet nga udhëheqja e LDK-së, kryetar të bëhet Lutfi Haziri

Autori: Gazeta inFokus 08:06 | 19 May 2017

Ish-kryetari i Kuvendit të Kosovës, Nexhat Daci, që sot është pjesë e Lidhjes Demokratike të Kosovës (LDK), i ka sugjeruar Isa Mustafës ta lë postin e kryetarit të partisë pas tërheqjes nga kandidatura për kryeministër.

Në intervistën dhënë për gazetën “Epoka e re”, Daci ka thënë se e ka përkrahur Mustafën në “luftë” me Fatmir Sejdiun, pasi ka menduar se është më i freskët për LDK-në.

“Tash mendoj se është mençuri e madhe që ai të tërhiqet nga udhëheqja e partisë, sepse për atë parti nuk ka bërë kurrë shumë mund”, ka thënë Daci.

-Advertisement-

Ai ka thënë se rritja e LDK-së mund të ndodhë vetëm nëse kjo parti kthehet në shtratin e rugovizimit.

Daci ka thënë se kryetar i ardhshëm i LDK-së duhet të vijë Lutfi Haziri.

Ai ka bërë me dije se nuk do të jetë kandidat për deputet në listën e LDK-së.

Daci ka thënë se pas zgjedhjeve të 11 qershorit vendin e presin shumë sfida dhe duhet të vijë në krye të shtetit një udhëheqje politike që ka energji për punë

Subscribe në YouTube: GAZETA INFOKUSI