Rozë

Çun Lajçi publikon foto nga spitali, tregon se është bërë operacion në zemër

Autori: Gazeta inFokus 13:31 | 09 August 2022

Aktori i njohur, Çun Lajçi, është shtruar në spital meqë po përballet me një problem shëndetësor.

Në një postim të shpërndarë në rrjete sociale, ai tregon se është bërë operacion në zemër.

I njëjti publikoi në llogarinë e tij në Facebook një fotografi ku shfaqet i shtrirë në Klinikën e Kardiologjisë, që besohet të jetë realizuar pas ndërhyrjes në zemër.

-Advertisement-

Postimi i plotë i Lajçit (pa ndërhyrje):

“S’u jetueka me zor

Unë vetëm rrugët ua shkela ato ku shkelet ju e ata

nji stol n’tri kambë nji pemë me mbështetë kurrizin e kërkova

nji hije ku mrizuet ju e ata që ikën kur na vranë

asnji gurë s’e mora asnji dru s’e theva asnji pemë s’e vjela

as hithat si kosita të shtegu i kalbun

lulet i lashë rrugicës ku belbëzova si çunak

ika pa m’njoftë se dashni s’deshtët nga gurra ime

kangën e pata për vete zanin për juve

Unë i shkela rrugët tueja s’i mora

aty i keni ku i la Esadi, Dini, Aliu, Shkreli

lavroni me vargjet e tyne mbase edhe me t’miat pak

e mbjellni dashni për zemrat e thyeme

se s’u jetueka mezor!

P.S

E dini çka m’tha doktori, kur dola nga salla e operacionit?

Paske m’ua shkrumua jetën politikanve me këta damar zemre!

Kardiologji, 2022”.

Subscribe në YouTube: GAZETA INFOKUSI
Etiketa:
BKT Kosova hap degën më te re në qytetin e Suharekës
-Advertisement-

Të tjera

Fokusi

roze