Rozë

Cullakohet, por insiston se është një vajzë e turpshme – (Foto)

Autori: Gazeta inFokus 15:39 | 09 October 2017

Manekinia e bukur Candice Swanepoel, vazhdimisht zbukuron ballinat e revistave të ndryshme dhe gjithashtu pozon në të brendshme seksi, mirëpo, edhe përkundër kësaj, ajo ende ka probleme me ndjenjën e turpit, transmeton Zeri.info.

Edhe pse ajo duket plot vetëbesim derisa defilon në pistat e modës, engjëllushja e shtëpisë së modës ‘Victoria’s Secret’, e pranon se nuk e ka aspak të lehtë në punën që bën.

Biondina e bukur me sy të kaltër, gjatë intervistës me revistën “Maxim’, e ka pranuar se nuk e sheh veten ashtu siç e sheh pjesa tjetër e botës.

-Advertisement-

“E shikoj veten nga një perspektivë krejtësisht tjetër, sepse ajo vajzë nga fotot nuk jam unë. Ajo është një vajzë e cila është krijuar për të qenë në qendër të vëmendjes. Unë jam një vajzë shumë e turpshme dhe më është dashur të heq qafe këtë turpëri, për të vazhduar ta bëj këtë punë që e bëj tani”, është shprehur Candice

Kjo revistë e ka përshkruar bukuroshen si njërën nga femrat më të dëshiruara në botë dhe plotësisht është e qartë se pse e mban këtë epitet. Me buzët e plota dhe flokët e mrekullueshme, biondina 26-vjeçare të gjithëve u ka rënë në sy.

Dhe adhuruesit e saj do të kënaqen kur t’i shohin fotot e saj në revistën “Maxim”, në të cilën Candice pozon në bluzë të bardhë të lagur, e cila i është ngjitur për trupi./ZERI