Lajme

Çmimi i një buke në Pejë arrin në 60 centë

Autori: Gazeta inFokus 10:42 | 15 July 2022

Si rrjedhojë e rritjes së çmimeve të produkteve bazike për jetesë, edhe bukëpjekësit e Pejës kanë vendosur që nga e enjtja çmimi i një buke nga 50 cent të rritet në 60 centë.

Gjatë muajve të fundit, çmimi i bukës është rritur disa herë, ndërsa brenda një viti buka është shtrenjtuar për 20 cent.

Valës së ngritjes së çmimeve të artikujve ushqimor prej sot i janë bashkuar edhe bukëpjekësit e Pejës, raporton RTK.

Nga 50 cent sa ishte deri më sot, tash 1 bukë do të kushtojë 60 cent.

Furrëtari Shemsedin Muhadri, thotë se kjo rritje e çmimit të bukës është rezultat i ngritjes së çmimeve tjera, siç janë energjia elektrike, uji, mielli e produkte të tjera.

Banorët kanë opinione të ndryshme rreth shtrenjtimit të cmimit të bukës. Disa thonë se rritja e çmimit është e papërballueshme, ndërsa të tjerë e arsyetojnë këtë veprim të furrtarëve me rritjen e çmimeve të produkteve tjera bazike.

Të tjera

Fokusi

lajme