Lajme

Çitaku viziton Thaçin në Hagë: Nga burgu i gëzohen çdo suksesi të Kosovës

Autori: Gazeta inFokus 13:01 | 20 April 2022

Nënkryetarja e Partisë Demokratike të Kosovës, Vlora Çitaku, e ka vizituar ish-shefin e saj, Hashim Thaçi, dje në Hagë.

Përmes një postimi në rrjetin social “Facebook”, ajo ka thënë se ish-presidenti Thaçi dhe ish-krerët e tjerë të UÇK-së e kanë përpara vetes betejën për ta mbrojtur luftën çlirimtare.

Gjithashtu, Çitaku tha se Thaçi dhe të tjerët që po mbahen në Qendrën e Paraburgimit në Hagë i gëzohen sukseseve të Kosovës edhe nga atje.

-Advertisement-

“E kam vizituar ish Presidentin në Hagë. Së fundi dje. Ai dhe bashkëluftëtarët e tij e kanë para vetës një betejë të rëndësishme për historinë e luftës sonë çlirimtare. Sigurisht, edhe nga burgu, i gëzohen çdo suksesi të Kosovës, por as përpjekjen më të vogël nuk e bëjnë për të pasur çfardo lloj ndikimi politik”, ka shkruar ajo në Facebook.

Subscribe në YouTube: GAZETA INFOKUSI