Lajme

Çitaku tregon detaje për sulmin me vezë

Autori: Gazeta inFokus 12:48 | 18 May 2017

Ambasadorja e Kosovës në SHBA, Vlora Çitaku, ka reaguar për sulmin e bërë drejt saj teksa kjo e fundit po e mbante një ligjëratë në Universitetin e Denverit.

Çitaku ka thënë se ky ishte nj♪7 incident i vogël, por që i vie keq që ndodhi në prani të Ambasadorit Hill, dhe rreth 100 të pranishmëve, transmeton infokusi.com

Ajo ka thënë se nuk do të ngrëh padi ndaj vajzës por shpreson që këtë të mos e bëjë as Universiteti i Denverit

-Advertisement-

Postimin e plotë të Çitaku bërë në rrjetin social “facebook” mund ta gjeni më poshtë:

“Së pari faleminderit shumë për mesazhet e shumta.

Më duhet ta sqaroj, që as që e kam pasë ndërmend ta publikoj incidentin. U detyrova të reagoj dje pasi që Blerta, zonja qe shkaktoi incidentin e vogël, e kishte publikuar dhe kishte dhënë deklaratë në një portal.

Më vije keq që ky incident I vogël ka trazuar familjen time në Kosovë.

Poashtu më vije keq që e tëra ndodhi në prani të Ambasadorit Hill, dhe rreth 100 të pranishmëve, të cilët nuk po kuptonin cka po ndodhte.

Policia e Denverit erdhi menjëhere. Sulmi ndaj një Ambasadori të akredituar, sado i vogël qoftë, në SHBA është çështje shumë serioze. Nuk pranova të hap rast dhe të ngris padi ndaj Blertës, dhe e luta edhe Univerzitetin e Denverit mos të bëjë dicka të tillë. Blerta ishte edhe shtetase amerikane, dhe unë asesi nuk do të dëshiroja që ajo të ketë pasoja për shkak të veprimit të djeshëm. Ata që janë shtetas amerikan e dinë mirë se cka do të thot të kesh në historik një gjë të tillë.

Unë pajtohem që secili ka të drejtë të bëjë pyetje, të shprehë mendimin, të kritiojë, të kërkojë llogari. Por asesi nuk duhet të sulmojmë dhe të fyejmë njëri tjetrin.

Fare në fund, në vezët e ziera që u hodhën drejt meje zonja Blerta kishte shkruar disa mesazhe seksiste ( për shkak se ishin shumë eksplicite nuk po i publikoj ). Ato fjalë më lënduan më së shumti.

Edhe me kaq po e mbyllim këtë temë :-)”/INFOKUSI

Subscribe në YouTube: GAZETA INFOKUSI