Lajme

Çitaku, Osmanit: Interes shtetëror është përmbyllja e suksesshme e dialogut, rrugët tjera janë pa krye

Autori: Gazeta inFokus 18:16 | 30 August 2023

Nënkryetarja e PDK-së, Vlora Çitaku, i ka reaguar presidentes së vendit, Vjosa Osmani, e cila paralajmëroi ndërprerje të dialogut me Serbinë, nëse Kosovës i hiqet liberalizimi i vizave.

Çitaku tha se përmbyllja e suksesshme e dialogut me Serbinë me një marrëveshje gjithëpërfshirëse, të përqendruar në njohje reciproke, është interes shtetëror I Kosovës.

“Interes shtetëror i Kosovës është kultivimi i aleancave me SHBA dhe BE.  Çdo gjë tjetër është rrugë pa krye”, tha Çitaku.

-Advertisement-

Tutje, Çitaku tha se status quoja i shërben vetëm Serbisë dhe forcave tjera rrënuese që sipas saj, po synojnë ta devijojnë orientimin strategjik të Kosovës dhe Ballkanit në përgjithësi.

Kujtojmë se e para e shtetit tha sot se paralajmërimi i presidentit francez, Emmanuel Macron, se Kosovës mund t’i hiqet liberalizimi i vizave nëse nuk shtensionohet situata në veri, do të çonte në mbyllje përfundimtare të dialogut.

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit

Të tjera

Fokusi

lajme