Lajme

Çitaku kritikon ambasadorin e Kosovës në Francë që votoi në zgjedhje atje: Jo-diplomatike dhe jo-profesionale

Autori: Gazeta inFokus 20:21 | 24 April 2022

Nënkryetarja e PDK-së dhe ish-ambasadorja e Kosovës në Shtetet e Bashkuara të Amerikës ka kritikuar Mehdi Halimin, ambasasdor i Kosovës në Francë për pjesëmarrje në zgjedhjet presidenciale franceze.

Halimi e ka bërë të ditur pjesëmarrjen në zgjedhje vet sot nëpërmjet një fotografie duke votuar e ku bënte thirrje të gjithë kosovarëve me të drejtë vote, ta shfrytëzojnë atë, shkruan lajmi.net.

Çitaku e ka konsideruar këtë si sjellje aspak profesionale e madje edhe jo-diplomatike.

-Advertisement-

Nënkryetarja e PDK-së është shprehur se dyshtetësia lejohet me Kushtetutë edhe në Kosovë edhe në Francë, por fakti që i ka dy shtetësi, Halimi nuk duhej të votonte në zgjedhjet atje.

“Dy-shtetësia lejohet me Kushtetutë edhe në Kosovë edhe në Francë. Fakti që Ambasadori i Kosovës në Francë ka dyshtetësi, nuk është precedan. Kemi pasur raste të tilla edhe më herët.
Por, kur e pashë në lajme se Ambasadori ynë paska dalë për të votuar në zgjedhjet presidenciale të Frances, e bile bile paska postuar në Facebook, sinqerisht mendova se është ndonjë fake news. Është jo diplomatike dhe jo profesionale. Ambasadori ynë në Paris përfaqëson Republikën e Kosovës e jo ndonjë shoqatë kulturore, dhe nuk ka asnjë lloj sensi që në mënyrë selektive t’i ndërrojë kapelat, një ditë qytetar i Francës, ditën tjetër Ambasador Fuqiplotë i Republikës së Kosovës.”, ka shkruar Çitaku.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme