Lajme

Çitaku: Kosova në kolaps energjetik, politikë të jashtme e në Kuvend – për LVV-në kjo nuk ka rëndësi

Autori: Gazeta inFokus 14:54 | 20 June 2025

Deputetja e Partisë Demokratike të Kosovës (PDK), Vlora Çitaku ka reaguar pas raportimit të Gazetës Infokusi për zero prodhim të energjisë elektrike nga KEK-u dhe thirrjes urgjente për kursim nga KESCO.

Përmes një postimi në rrjetin social Facebook, Çitaku tha se kolapsi në energji, ekonomi dhe në politikën e jashtme nuk ka rëndësi për LVV-në.

Ajo vlerëson se pushteti për LVV-në nuk është mjet për tu shërbyer qytetarëve por është qëllim në vetvete.

-Advertisement-

“Kollaps në energji. Kollaps në ekonomi. Kollaps në politikën e jashtme. Kollaps në Kuvend. Por për LVV-në kjo nuk ka rëndësi. Sepse për ta, pushteti nuk është mjet për tu shërbyer qytetarëve, është qëllim në vetvete. Dhe për këtë qëllim, janë të gatshëm të sakrifikojnë gjithçka tjetër“, ka shkruar Çitaku.

Gazeta Infokus sot raportoi ekskluzivisht se Korporata Energjetike e Kosovës, KEK-u, ka nominuar zero megavat energji elektrike të prodhuar për shërbim te konsumatorëve. Për këtë tashmë Infokusi ka siguruar edhe fakte.

Alarmi tashmë është ngritur edhe nga kompania e distribucionit, derisa KEK-u nuk ka njoftuar akoma se a kanë rënë edhe Blloku B1 i cili ka kapacitet prej 260 megavatë orë energji elektrike.

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy