Ndotja e ajrit gjatë dimrit, po tejkalon deri 300 herë mesataren e lejuar. Duke marrur këtë parasysh, studentët e Kolegjit Universum së bashku me profesorë Durim Gjoshi, në kuadër të departamentit të Shkencave Kompjuterikendërtuan pajisjen për matjen e cilësisë së ajrit, ku kanë përgatituredhe një studim lidhur me gjendjen e ajrit në Komunën e Gjakovës.

Ky projekt i cili është një tjetër përpjekje nga Kolegji Universum për t’i shërbyer komunitetit në Gjakovë, synon të shpalosë rëndësinë e matjes së kualitetit të ajrit në raport me efektet mbi shëndetin e banorëve.

Studimi i kualitetit të ajrit u bë duke shqyrtuar disa faktorë të ndryshëm dhe relevantë siç janë: temperatura, shtypja, niveli i tymit, niveli i monoksid karbonit etj. Të gjithë këta pjesëmarrës të ajrit u maten për të ofruar një pasqyrë lidhur me ndikimin e tyre mbi shëndetin e qytetarëve të komunës së Gjakovës. Kjo u realizua përmes teknologjisë moderne të senzorëve.

-Advertisement-

Niveli i kualitetit të ajrit është një temë relativisht e paprekur në tërë Kosovën dhe e njëjta vlen edhe për komunën e Gjakovës. Në këtë mënyrë, është vitale që të mendojmë për këtë problematikë. Bazuar në një studim të Ministrisë së Mjedisit të Zelandës së Re, njeriu thith rreth 14000 litra ajër në ditë duke u ekspozuar para shumë rreziqeve potenciale. Ajri i ndotur mund të ketë efekt posaçërisht negativ tek fëmijët, të moshuarit, ata që kanë probleme me frymëmarrje, me zemër etj.

Duke u familjarizuar me shkallën e ndotjes, ne sadopak vetëdijësohemi dhe rrisim mundësinë për luftim të suksessshëm të këtij fenomeni. Efekti i sëmundjeve, vdekjeve të parakohshme dhe uljes së nivelit të produktivitetit në punë ndikon pothuajse drejtpërdrejt në ekonominë tonë duke rritur rëndësinë e trajtimit të kësaj çështjeje.

Përfundimisht, iniciativa e profesorëve dhe studentëve të Kolegjit Universum për studimin e kualitetit të ajrit përbënë një përpjekje reale për t’i kontribuar direkt mirëqenies së qytetarëve në Komunën e Gjakovës, së pari duke bërë sensibilizimin e tyre për rëndësinë e temës në fjalë e më pas duke ju ofruar të dhëna të cilat më vonë do dhuronin rezultate praktike shumë të dobishme.

Për të parë cilësinë e ajrit në Gjakovë, vizitoni web-faqen: http://ame.jointdots.com/

Për më shumë informata, ju lutem ndiqni faqen në facebook, kontaktoni në: [email protected] apo telefononi në +377 44 144 062.

Kolegji Universum, është Inovativ!

Düsseldorf–Prishtinë, dy fluturime në ditë – rezervoni me PrishtinaTickets

Sponsoruar

-Advertisement-