Lajme

Cilët janë emrat e mbiemrat më të përdorur në Kosovë, cili është emri më i gjatë…

Autori: Gazeta inFokus 14:56 | 29 December 2017

Keni dëgjuar ndonjëherë emër Ismailqemail dhe Mirandolinda?

Këta dy emra ekzistojnë në Kosovë, madje janë cilësuar si emrat më të gjatë.

Agjencia e Statistikave e Kosovës ka publikuar emrat dhe mbiemrat më të përdorur në Kosovë, gjithashtu edhe emrat me të gjatë.

-Advertisement-

Të dhënat në këtë publikim janë paraqitur sipas bazës së grumbullimit të të dhënave nga Regjistrimi i Popullsisë së Kosovës, i kryer në vitin 2011. Një raport i tillë publikohet për herë të parë nga ASK-ja.

Këto të dhëna tregojnë se në Kosovë në vitin 2011, numri i emrave të ndryshëm është gjithsej 68 122 emra, ndërsa numri i mbiemrave të ndryshëm në Kosovë është gjithsej 26 557 mbiemra.

Sa i përket shpërndarjes së emrave në Kosovë, emri më i gjatë (më së shumti shkronja) ishte ai Ismailqemail me gjithsej 13 shkronja dhe Mirandolinda me gjithsej 12 shkronja, ndërsa emri me i shkurtër ishte me vetëm dy shkronja: Al ose Ad.

Agjencia përmes njoftimit tregon se nëse emrat analizohen sipas shkronjës së parë, sipas alfabetit, më së shumti emra fillojnë me shkronjën A, ndërsa më së paku me shkronjën C. Gjithsej 8 026 emra fillojnë me shkronjën A, ndërsa gjithsej 407 emra fillojnë me shkronjën C, transmeton Express.

Emri më i përbashkët (shpeshtë) te femrat në Kosovë ishte emri Fatime me gjithsej 8 626 persona, ndërsa emri më i përbashkët te meshkujt ishte Bajram.

Sa i përket mbiemrave, Krasniqi është mbiemri më i përbashkët (shpeshtë) në Kosovë me më shumë se 58 199 persona, që mbanin këtë mbiemër.

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ

Të tjera

Fokusi

lajme