Lajme

Cilat janë pikat kufitare me fluksin më të madh në Shqipëri?

Autori: Gazeta inFokus 15:11 | 03 June 2018

Sportelet e pikave kufitare në të gjithë Shqipërinë procesuan vitin e kaluar hyrje-daljet e 5 milionë e 117 mijë shtetasve të huaj, një numër në rritje me mbi 382 mijë vizitorë krahasuar me një vit më parë. Por cilat ishin pikat me fluksin më të madh?

Pjesa dërrmuese e hyrjeve të shtetasve të huaj bëhet në rrugë tokësore, çka rrjedhimisht sjell një ngarkesë më të madhe në pikat kufitare tokësore me shtetet fqinje.

Dogana e Morinës është në mënyrë dominuese edhe pika kufitare me fluksin më të lartë, e cila proceson 40% të të gjitha hyrjeve në Shqipëri. Janë mbi 2 milionë individë që kanë hyrë në vend përmes Morinës, pjesa më e madhe e të cilëve janë nga Kosova, si grupi më i madh i vizitorëve në vend.

-Advertisement-

Me një diferencë shumë të madhe, vendin e dytë e mban dogana e Muriqanit, në kufi me Malin e Zi, e cila priti 631 mijë vizitorë, ose 12% të totalit.

Aeroporti Ndërkombëtar i Rinasit ndodhet vetëm në vendin e tretë, me 589 mijë shtetas të huaj të procesuar. Edhe kjo pikë kufitare zë 12% të totalit dhe pritet që këtë vit të marrë vendin e dytë në renditje.

Dogana e Qafë-Thanës në kufi me Maqedoninë zë vendin e katërt me 7%, ndjekur nga Hani i Hotit me 5%. Ajo që bie në sy është se Kakavija, e cila tradicionalisht ka qenë një nga portat kryesore hyrëse në vend, priti vetëm 235 mijë të huaj vitin e kaluar duke zënë vendin e gjashtë, çka shpjegohet me faktin se pjesa më e madhe e atyre që kalojnë përmes kësaj pike janë shqiptarë që rikthehen në atdhe.

Ndërkohë Porti i Durrësit priti 163 mijë të huaj, kryesisht shtetas italianë që vijnë në Shqipëri për pushime apo qëllime biznesi.

Renditja e plotë është si më poshtë:

Subscribe në YouTube: GAZETA INFOKUSI
Etiketa:
Black Friday ne Artmotion

Të tjera

Fokusi

lajme