Lajme

CIA pezullon programin e armatosjes së rebelëve antiAssad

Autori: Gazeta inFokus 12:20 | 22 Korrik 2017

Një gjeneral amerikan i rangut të lartë konfirmoi dje se SHBA-ja kaSi pezulluar programin e fshehtë të CIA-s për të armatosur dhe trajnuar rebelët sirianë.

Vendimi i presidentit amerikan, Donald Trump për t’i dhënë fund programit të armatosjes dhe trajnimit të të ashtuquajturve“rebelët e moderuar sirianë”, i raportuar fillimisht nga gazeta “Washington Post” të mërkurën, u mirëprit nga të gjithë i cilësuar si “një lajm  i shkëlqyer” .

Gjatë një konference të sigurisë në Aspen, Kolorado, gjenerali, Tony Thomas, komandant i Forcave Speciale amerikane, tha se kjo masë nuk përbën një koncesion për Rusinë.

-Advertisement-

Programi i nisur nga ish-presidenti Barak Obama në vitin 2013 u projektua për të ushtruar presion ndaj regjimit sirian të Bashar al-Assad dhe është kritikuar nga Rusia e cila është mbështetës i tij.

Zyrtarët qeveritarë thanë për gazetën “Washington Post” se vendimi i Trumpit për t’i dhënë fund programit të fshehtë të CIA-s tregon qartë interesin e tij për të bashkëpunuar me Rusinë.

Moska është një nga mbështetësit më të rëndësishëm të presidentit sirian, Bashar al-Assad.

Sipas “Washington Post”, vendimi për pezullimin e programit është marë një muaj përpara takimit të presidentit të SHBA-së me presidentin rus, Vladimir Putin në samitin e G20-ës, në Hamburg të Gjermanisë, dy javë më parë.

Zyrtarët qeveritarë thanë për “Washington Post” se Trumpi dhe Putini mund të kenë rënë dakord për një marrëveshje armëpushimi që përfshinte Sirinë Jugperëndimore gjatë takimit të tyre në  samitin e G20-ës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy