Rozë

Chrissy Teigen tregon gjininë e foshnjes

Autori: Gazeta inFokus 10:47 | 30 January 2018

Modelja shtatzënë e Sports Illustrated Swimsuit, Chrissy Teigen ka treguar gjininë e fëmijës së dytë.

Ajo ka bërë të ditur se do të bëhet nënë e një djali gjatë ceremonisë së ndarjes së çmimeve Grammy 2018.

32 vjeçarja ka postuar një fotografi në llogarinë e saj në Instagram gjatë parakalimit në tapetin e kuq në Grammy derisa shkëlqente me fustanin ngjyrë argjendi nga Yanina Couture.

-Advertisement-

“Mami dhe djali i saj”, ka shkruar ajo poshtë fotografisë, transmeton Klan Kosova.

Modelja ka bërë poashtu të ditur se ajo dhe bashkëshorti i saj, John Legend janë larguar nga ceremonia shumë herët.

“Mami dhe babi në shtëpi në orën 10:30”, ka shkruar ajo në Twitter bashkë me një video ku shihet duke u relaksuar e shtrirë në shtrat dhe e veshur me një mantil banjoje.

Teigen kishte treguar për shtatzëninë e saj të dytë në muajin nëntor duke postuar një video të vajzës së saj Luna (21 muajshe) që po mbante stomakun e saj të fryrë.

Çifti që janë martuar në Itali në muajin shtator të vitit 2013 kanë praktikuar fertilizimin in vitro për të dy fëmijët e tyre derisa modelja ka qenë vazhdimisht shumë e hapur për problemet e saj shëndetësore lidhur me shtatzëninë.

Subscribe në YouTube: GAZETA INFOKUSI