Sport

Chiellini shpreson: Këtë vit e fitojmë Ligën e Kampionëve

Autori: Gazeta inFokus 09:31 | 02 January 2018

Mbrojtësi italian beson që Juventus ka skuadrën e duhur për ta fituar Ligën e Kampionëve.

Giorgio Chiellini mendon që ky sezon do të jetë i duhuri për Juventusin që ta ngrejë lartë trofeun e Ligës së Kampionëve, pas dy dështimeve në finale në tre vitet e fundit.

Në një intervistë për Premium Sport, Chiellini ka thënë që Juventus ka qenë skuadra e dytë më mirë në botë për vitin 2017, pas Real Madridit, ekip ky që e ka mposhtur ‘Zonjën e Vjetër’ në finale të Ligës së Kampionëve me rezultat të thellë 4:1. “Reali ka qenë ekipi më i fortë dhe menjëherë pas tyre jemi renditur ne”, ka thënë ai.

-Advertisement-

“Liga e Kampionëve nuk është një obsesion për ne. I kemi vendosur vetes si objektiv që ta fitojmë dhe shpresojmë që në fund t’ia dalim, pasi kemi ekipin e duhur për ta fituar këtë trofe”, ka theksuar Chiellini.

Subscribe në YouTube: GAZETA INFOKUSI