Chelsea e ka fituar përballjen e parë ndaj Athletico Madridi, në kuadër të 1/8 se finales në Ligën e Kampionëve, shkruan Gazeta inFokus.

Në takimin e zhvilluar në stadiumin ‘Arena Națională’ në Bukuresht, ekipi i drejtuar nga Thomas Tuchel ka triumfuar me rezultat minimal 1-0.

Golin e vetëm për mysafirët e shënoi sulmuesi francez, Olivier Giroud.

Giroud realizoi një supergol në stilin gërshërë në minutën e 71’ të ndeshjes.

Më këtë fitore Chelsea ka bërë një hap të madh drejt çerekfinales së garës më prestigjioze për klube në Evropë.

Dueli kthyes zhvillohet pas tri jave në stadiumin ‘Stamford Bridge’ në Londër./Gazeta inFokus/