Lajme

Çfarë u konfiskua në operacionin e policisë ku u arrestuan 25 persona në disa qytete të Kosovës?

Autori: Gazeta inFokus 16:15 | 14 April 2021

Policia e Kosovës është përfshirë sot në një operacion të madh ku janë arrestuar 25 persona për vepra të ndryshme penale, shkruan Gazeta inFokus.

Sipas policisë  ky operacion është kryer në disa qyetete të madhë të Kosovës, Prishtinë, Mitrovicë, Gjilan e Ferizaj.

Aksion i madh policor: 25 të arrestuar, të përfshirë në veprimtari kriminale

-Advertisement-

“Operacionet policore janë realizuar me urdhëresë të organeve të drejtësisë, e që kanë përfshirë disa lokacione, konkretisht Prishtinën, Gjilanin, Ferizajn dhe Mitrovicën e Jugut, ku gjatë kontrollit të disa shtëpive dhe objekteve përcjellëse në të dy operacionet, në cilësi të provave materiale janë gjetur dhe sekuestruar”, thuhet në njoftim.

Ndërsa “Policia e Kosovës (PK), në këtë rast Drejtoria për Hetimin e Krimit të Organizuar e asistuar edhe nga njësitë e tjera policore, pas hetimeve disa mujore të realizuara fillimisht në vitin 2020, të cilat kanë vazhduar deri më 14 prill të vitit 2021, ka arrestuar njëzet e pesë (25) persona të dyshuar.

“Të njëjtit janë arrestuar mbi dyshimin e bazuar për përfshirje në veprimtari kriminale të krimit të organizuar, përfshirë në vepra penale: “ Importi, Eksporti, Furnizimi, Transportimi, Prodhimi, Këmbimi Ndërmjetësimi ose Shitja e Paautorizuar e Armëve apo Materialeve Plasëse”.

Të gjitha gjërat që u konfiskuan:

Tetë (8) armë të gjata të llojeve të ndryshme,

Trembëdhjetë (13) armë të vogla revole,

Dy (2) karikatorë,

(1.493) municion të kalibrave të ndryshëm,

Pjesë të ndryshme të armëve,

Pajisje për pastrimin e armëve,

Dy (2) leje për armë,

Dy (2) vetura,

Një (1) palë dylbi,

Njëzet e një (21) telefona celularë,

Dy mijë (2000) euro dhe

Një (1) fletore me shënime.

Nga njëzet e pesë (25) personat e arrestuar në të dy operacionet policore, vlen të potencohet se dymbëdhjetë (12) prej tyre janë arrestuar në vitin 2020, të cilët me vendim të prokurorëve kompetentë janë dërguar në mbajtje, përderisa në operacionin policor të realizuar sot në orët e hershme të mëngjesit janë arrestuar trembëdhjetë (13) persona, prej tyre shtatë (7) persona me vendim të prokurorit janë dërguar në mbajtje, përderisa gjashtë (6) persona janë liruar në procedurë të rregullt.

 

Policia e Kosovës mbetet e përkushtuar në realizimin e detyrave dhe përgjegjësive të saja ligjore, me qëllim të ruajtjes së rendit dhe sigurisë publike, parandalimit të veprimtarive kriminale dhe sjelljen para organeve të drejtësisë personat e dyshuar që bien në kundërshtim me ligjin.”/Gazeta inFokus/

Subscribe në YouTube: GAZETA INFOKUSI
KosovaMed përmbyll vitin me sukses – dhuron donacione për QKMF-në e Junikut

Të tjera