Lajme

Çfarë thonë analistët politik për gjendjen në Maqedoni?

Autori: Gazeta inFokus 22:12 | 02 May 2017

Analistët politik, kanë komentuar për situatën në Maqedoni gjatë një debati në emisionin Zona B në Klan Kosova.

Sipas analistit, Dardan Gashi, Maqedonia me Nikola Gruevskin ka shkuar drejt një fashizmi të qartë “anti-shqiptar”.

“Maqedonia me Gruevskin ka shkuar drejt një fashizmi të qartë anti-shqiptar, nuk ka ndodhur pas Hitlerit që dikush të refuzohet në baza etnike”.

Ndërsa analisti, Petrit Zogaj ka thënë që ndërkombëtarët që kanë ndikuar në përfshirjen e serbëve në qeverisje nuk e marrin “Kosovën si shembull”.

“Fryma fashiste ka ekzistuar në Maqedoni por ajo çka është prezente të faktori ndërkombëtar është se Kosova nuk merret parasysh, se si trajtohen serbët në Kosovë si pakicë në këtë rast”.

“Nuk merret si referencë se çfarë bën Kosova për të përfshirë minoritetet në qeverisje”, ka thënë Zogaj.

Analisti, Ilir Mirena ka thënë që ngjarja e të enjtes në Maqedoni është “fillimi i fundit të Gruevskit”.

“Po shihet që gjysmë puçi që e bënë të enjten është fillimi i fundit të Gruevskit, por fatkeqësia e Gruevskit është se ai gjen mbështetje në qarqe në Tiranë, e edhe në Prishtinë.

“Është e çuditshme se si një anti-shqiptar kaq i ndyrë të gjejë mbrojtje në Prishtinë”, ka thënë analisti, Ilir Mirena në Zona B në Klan Kosova.

Vip Card e Petrol Company ofron tri herë zbritje

Të tjera

Fokusi

lajme