Ekonomi

Çfarë po ndodhë ne Turqi? Rriten ndjeshëm çmimet e ushqimit

Autori: Gazeta inFokus 08:35 | 24 March 2021

Zhvlerësimi i valutës në Turqi ka sjellë një rritje të vazhdueshme të çmimeve ushqimore, duke shtuar problemet për banorët lokalë, të goditur edhe nga pandemia COVID-19.

Konsumatorët në vend zakonisht blejnë nëpër pazare, për shkak se ka produkte relativisht më të freskëta dhe çmime më të lira. Megjithatë, edhe në pazare, banorët lokalë po ndiejnë vështirësi nga rritja e çmimeve. Çmimi i vezëve, sipas raportimeve lokale, është thuajse dyfishuar krahasuar me vitin e kaluar.

“Çmimi i thuajse çdo gjëje është rritur, si ullinjtë, djathi dhe vaji ullirit. Jam 74-vjeç dhe nuk kam parë çmime të tilla në jetën time”, tha një banor lokal.

-Advertisement-

Sipas të dhënave të Agjencisë turke të Statistikave, çmimet ushqimore janë rritur me 18 për qind me bazë vjetore në muajin janar. Çmimi i perimeve është rritur vazhdimisht dhe shitësit e vegjël po ndikohen, përcjell Scan TV.

“Çmimi i lartë po largon njerëzit, ndërkohë që blerjet kanë rënë edhe për shkak të pandemisë”, tha një shitës nga Stambolli.

Analistët thonë se mospërputhja e ofertës me kërkesën, ekonomia e dobët nga pandemia dhe rritja e çmimeve të ushqimit në botë së fundmi, kanë ndikuar tek inflacioni ushqimor në Turqi.

Për të kontrolluar inflacionin, Banka Qendrore e Turqisë lajmëroi javën e kaluar se do të rrisë normën bazë të interesit nga 17 – 19 për qind. Megjithatë, dy ditë më vonë, presidenti Rexhep Tajip Erdogan, largoi nga pozita guvernatorin Naci Agbal.

Pas përhapjes së lajmit, besimi në tregje ra ndjeshëm, ndjekur nga lira turke që humbi 15 për qind të vlerës, rënia më e madhe që prej gushtit 2019. /Telegrafi/

Subscribe në YouTube: GAZETA INFOKUSI
Etiketa:
Birra të ftohta e me shumë ZBRITJE veç në Viva Fresh!
-Advertisement-

Të tjera

Fokusi

ekonomi