Fokus

Çfarë po ndodhë në takimin mbi 2 orësh Kurti – Jasharaj? Flet sekretari i SBASHK-ut

Autori: Gazeta inFokus 09:27 | 13 September 2022

Edhe pas dy orësh prej kur ka nisur takimi i shumë pritur në mes të kryeministrit të Kosovës, Albin Kurtit dhe krye sindikalistit të mësimdhënësve, Rrahman Jasharajt është konfirmuar se takimi po vazhdon ende.

Kështu ka deklaruar për Gazetën Infokus, sekretari i SBASHK-ut, Ymer Ymeri i cili tha që për momentin nuk kanë ndonjë informacion por që takimi është duke vazhduar.

“Ende po vazhdon takimi nuk kemi ndonjë informacion”, deklaroi Ymeri për Infokus.

Ky takim është thirrur nga kryeministri Kurti për të bërë një zgjidhje për grevën e cila tashmë po vazhdon që nga muaji gusht e fillimi i vitit shkollor, ku nxënësit nuk kanë filluar ende mësimin për shkak të kërkesave të mësimdhënësve të cilat fillimisht u refuzuan kategorikisht nga qeveria.

Një takim tjetër në mes të kryetarit të Bashkimi i Sindikatave të Pavarura të Kosovës, Atdhe Hykolli dhe kryeministrit ishte të shtunën, mirëpo nga ky takim nuk doli asnjë marrëveshje dhe greva vazhdoi përsëri.

Kujtojmë se BSPK dhe SBASHK, që nga 25 gushti, kanë hyrë në grevë, duke kërkuar ndarje të 100 eurove për të gjithë punëtorët deri në hyrjen në fuqi të Ligjit për Paga./Gazeta Infokus/

Të tjera