Çfarë po ndodh në Suedi ndërkohë që bota është pushtuar nga koronavirusi. Rregullat e vetme janë…
Autori: Gazeta inFokus 09:14 | 10 April 2020
Suedia, për dallim nga pjesa tjetër e Evropës, po përballet me COVID-19, pa izolim të shkallës së gjerë.suedi
Aty jeta po vazhdon në mënyrë pothujse normale.
Këtë fillim pranvere, pamjet nga Suedia duken ndyshe nga ato të shumicës së vendeve tjera. Në kafene dhe bare, kafeja po servihet dhe tapat e birrave dëgjohen tek hapen. Çdo mëngjes, fëmijet shkojnë në shkolla derisa palestrat dhe rrugët me dyqane përreth, nuk janë të zbrazura sikurse në vendet tjera të kontinentit.
Megjithatë, lëvizjet kanë rënë ndjeshëm në dy javët e fundit. Derisa shumica e njerzve po përgatiten të festojnë Pashkët në shtëpi, apo diku jashtë vendit ose në vilat e tyre në fshat, ky vend nordik nuk po zbaton një izolim të plotë sikurse vendet tjera.
Rregullat e vetme të detyrueshme janë mbyllja e shkollave të mesme dhe universiteteve, ndalimi i takimeve të më shumë se 50 personave (nga 500 para dy javësh) dhe një urdhër që detyron baret dhe restorantet të iu shërbejnë vetëm klientëve të ulur në mënyrë që të shmangin tubimet.
Nuk do të rastis të shohësh asnjë njeri më maskë në fytyrë dhe kufijtë e shtetit gjithashtu mbeten të hapura, edhe pse fqinjët, Danimarka, Finlanda dhe Norvegjia i kanë mbyllur të vetat.
Kjo treshe e vendeve nordike ka ndjekur rrugën e shumicës së vendeve të tjera evropiane, me rregulla të rrepta distancimi fizik dhe masa të tjera të izolimit.
Arkitekt i kësaj politike të Suedisë është, Anders Tegnell, shefi i Agjencisë për Shëndet Publik.
Ai ka vlerësuar se është më mirë të presësh sesa të nxitosh të zbatosh një izolim mbarëkombëtar.
Derisa ka pasur edhe zëra kundërshtues, vlerësimet ndaj qeverisë dhe kryeministrit janë rritur drastikisht javët e fundit. Duket se suedezët, deri më tani, me kënaqësi po ndjekin dhe po u besojnë autoriteteve të tyre. Por, a do të duhej kështu?
Në shikim të parë, shifrat e të infektuarve dhe vdekshmërisë duken të arsyeshme në krahasim me disa vende tjera evropiane. Në Suedi që nga 9 prilli janë regjistruar pak më shumë se 9,000 raste të të infektuarve dhe rreth 800 të vdekur.
Këto numra janë më të ulëta se në vendet si Italia, Spanja, Franca, Belgjika, Gjermania, Holanda dhe Mbretëria e Bashkuar, shumica e të cilave numërojnë mijëra të vdekur.
Por, në të njëjtën kohë, ky nuk është një krahasim i drejtë.
Vendet nordike nuk janë aq të lidhura ngushtë me kontinentin e Evropës, pasi janë të ndara përmes detit Baltik. Ato kanë dendësi dhe numër të ulët të popullsisë.
Krahasojeni Suedinë me popullsi rreth 10.2 milionë banorë me Republikën e Çekisë, që është në zemër të Evropës, me një popullsi prej 10.7 milionë banorësh.
Këto dy vende janë pothuajse identike për nga numri i popullsisë, por kanë miratuar strategji krejtësisht të kundërta kur bëhet fjalë për izolimin e popullatës së tyre.
Deri më tani, Çekia, përkundër masave të rrepta të vendosura në fillim të pandemisë, përfshirë detyrimin për vendosjen e maskave të fytyrës, ka regjistruar pak më shumë se 5000 raste të koronavirusit dhe 104 vdekje.
Pra, 8 herë më pak vdekje se Suedia.
Kur e krahasoni Suedinë me fqinjët e saj nordikë, rezultati sërish e bën atë të jashtëzakonshme, por në aspekt negativ.
Suedia ka shënuar më shumë vdekje sesa tre vendet e tjera nordike të bëra bashkë, përkundër faktit se popullsia e Danimarkës, Finlandës dhe Norvegjisë numëron mbi 16 milionë njerëz në krahasim me 10 milionë sa ka Suedia.
Të katër vendet raportuan vdekjen e tyre të parë të koronavirusit afërsisht në të njëjtën kohë por në vlerësimet për kokë banori, si Finlanda ashtu edhe Norvegjia janë jashtëzakonisht mirë në krahasim me Suedinë. Danimarka gjithashtu duke treguar një numër shumë më të shëndetshëm sesa fqinji lindor i saj përgjatë ngushticës Oresund.
Askush nuk mund ta parashikojë situatën brenda disa javësh ose muajve. Suedia ka disa përparësi natyrore, të cilat mund ta bëjnë atë të kalojë krizën më mirë se disa vende të tjera.
Besimi i suedezëve në autoritetet është më i lartë se në shumicën e vendeve të botës. Sipas të dhënave zyrtare më shumë se gjysma e familjeve suedeze përbëhen nga një person i vetëm dhe ka tendencë të ketë më pak socializim ndër breza, krahasuar me shumë vende të tjera.
Shumica e të moshuarve jetojnë në shtëpitë e kujdesit për të moshuar shumë larg nga anëtarët e rinj të familjes.
Kjo mund ta ndihmojë vendin në mbrojtjen e grupit më të rrezikuar nga koronavirusi.
Me fjalë të tjera, Suedia, ndoshta mund të ketë nevojë të rishqyrtojë vendimet e saj për masat ndaj koronavirusit.
Deri më tani, është e vështirë të argumentohet se rruga që Suedia ka ndërmarrë në këtë pandemi do të mund të shërbente si model që duhet ndjekur./REL
Të tjera
-
Valon Murati kritikon Kurtin: Nuk është kohë e mburrjeve
Valon Murati nga Lëvizja për Bashkim ka drejtuar kritika në drejtim të kryemi...
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...