Lajme

Çfarë po ndodh në LDK: A flet Vjosa Osmani me Isa Mustafën? (Video)

Autori: Gazeta inFokus 21:07 | 24 May 2017

Konfliktet mes Vjosa Osmanit e kreut të Lidhjes Demokratike, Isa Mustafa, kishin filluar me krijimin e Qeverisë në 2014-ën. Ajo refuzoi koalicionin e LDK-së me PDK-në e më pas nuk e votoi as Mustafën për kryeministër. Këto mosmarrëveshje vazhduan gjatë gjithë mandatit. Ajo rrezikoi të mos futej në listën e kandidatëve për deputet.

Osmani edhe mund të mos ishte në këtë listë, sepse kolegët e saj që kishin kundërshtuar Mustafën nuk qenë pjesë e listës. Ajo u rëndit e 81-ta për të mos u lënë krejt jashtë.

Vjosa Osmani pas publikimit të listave ka thyer heshtjen. Ajo në emisionin Komiteti tregon se si e priti vendimin për të qenë e garës për deputete dhe kush, thotë ajo, se e bëri përpjekje që ajo të jetë pjesë e listës.

-Advertisement-

Ajo tregon se a ka flet me Mustafën, se a kishte komunikim me kryesinë e partisë dhe me këshillin e përgjithshëm gjatë këtyre tri viteve.

Osmani shpjegon se cila ka qenë pozita e saj në parti dhe nëse ajo informohet paraprakisht për vendimet që LDK’ja i kishte marrë.