Lajme

Çfarë paralajmëron Valdete Daka pas zgjedhjeve?

Autori: Gazeta inFokus 11:41 | 20 October 2021

Pas përfundimit të raundit të parë të zgjedhjeve të 17 tetorit, vëzhguesit e BE-së vlerësuan se vendimi për shkarkimin e ish-kryesuesja e KQZ-së Valdete Daka nuk ishte e bazuar në ligj, shkruan Gazeta Infokus.

Në raportin e tyre veç tjerash, kanë theksuar se vendimi i Presidentes së Kosovës për të shkarkuar ish-kryesuesen e KQZ-së, nuk u bazua në Ligjit për Zgjedhje te Përgjithshme.

Lidhur me këtë, Valdete Daka tha se në ditët në vijim do të bëjë të ditura veprimet e saj dhe paralajmëron se do t’i ndjek rrugët ligjore për shkarkimin e saj.

-Advertisement-

“Gjithsesi është lajm i mirë se BE i ka vërejtur keqpërdorimet që janë bërë në emër të ruajtjes së pavarësisë së institucioneve, e për më tepër nga e para e shtetit”, deklaroi ajo për Klan Kosovën.

Kujtojmë se në vendimin e Presidentes Osmani për shkarkimin e Valdete Dakës thuhej se kjo e fundit nuk ka qenë forcë e pavarur, duke bërë kështu mosbalancimin e nevojshëm në aspektin politik.

Valdete Daka u shkarkua nga pozita e kryesueses së KQZ-së më 14 qershor katër vjet para skadimit të mandatit të saj të dytë dhe vetëm një ditë para shpalljes së zgjedhjeve lokale./Gazeta Infokus/

Subscribe në YouTube: GAZETA INFOKUSI
Etiketa:
Coffee Show B2B në Zagreb nga Devolli Corporation

Të tjera