Fokus

Çfarë ndodhi me pajisjen mijëra euroshe të Radiologjisë që u zhduk në Neonatologji? Flasin nga ShSKUK

Autori: Elvira Haxhiu 11:34 | 27 April 2022

Një pajisje mijëra eurosh është zhdukur në fillim të muajit prill, pajisje kjo që ishte e Klinikës së Radiologjisë, por që nuk dihet se për çfarë arsye po qëndronte apo e kishin lënë në objektin e Klinikës së Neonatologjisë, prej ku edhe u zhduk.

Sipas burimeve të Gazetës Infokus brenda SHSKUK-së thuhet se vetëm pas disa ditësh, pra me 22 prill në fund të muajit, Qendra Klinike Universitare e Kosovës e ka parë të nevojshme që për këtë pajisje mijëra euroshe të përfshijë edhe policinë dhe të nisin hetimet për rastin.

Sipas raportimeve të para për zhdukjen e kësaj pajisje nga Klinika e Neonatologjisë nga Gazeta Shneta u raportua se pajisja mundësonte dixhitalizimin e rëntgenit analog, e cila bën të mundur leximin e radiografisë në CD dhe se pajisja ishte e vendosur në Klinikën e Neonatologjisë, ku trajtohen foshnjat e porsalindura e që vlera e saj ishte diku përafërsisht mijëra euro.

-Advertisement-

Lidhur me zhdukjen e kësaj pajisje, Gazeta Infokus ka kontaktuar direkt edhe Shërbimin Spitalor, Klinik dhe Universitar të Kosovës, por që të njëjtit nuk kanë ofruar shumë detaje duke thënë që me rastin po merren organet kompetente.

“ShSKUK ju konfirmon se për mungesën e pajisjes në fjalë janë njoftuar organet kompetente”, kanë thënë nga ShSKUK.

Gazeta Infokus është munduar të marrë një përgjigje edhe nga drejtoresha e Klinikës së Neonatologjisë për të marrë detaje se si ndodhi që të zhdukej një pajisje në këtë formë, por e njëjta nuk ka qenë e qasshme.

Vlen të theksohet se kjo nuk është hera e parë që në QKUK zhduken pajisje.

Në korrik të vitit 2021 ishte zhdukur një USB e cila ishte pjesë integrale e një rëntgeni me kosto prej rreth 6 mijë euro./Gazeta Infokus/

LEXO EDHE: Zhduket edhe një pajisje mijëra euroshe e Klinikës së Radiologjisë në QKUK

Subscribe në YouTube: GAZETA INFOKUSI

Të tjera

Fokusi

fokus