Rozë

Çfarë lidhje kanë mes vete Monika Salihu dhe Rita Ora?

Autori: Gazeta inFokus 17:15 | 02 December 2023

Këngëtarja Monika Salihu është rikthyer në qendër të vëmendjes për shkak të pjesëmarrjes së saj në spektaklin shumë të shikuar, Big Brother VIP Kosova.

Ajo u eliminua nga gara të premten, pas qëndrimit mbi një muaj në shtëpinë më të famshme në vend.

Me daljen e saj, Monika deklaroi se kishte për qëllim që të rikthehej në skenë, pasi tanimë i është rikthyer muzikës pas 12 vitesh në një zhanër krejt tjetër nga ai që ka kënduar përpara.

-Advertisement-

Por megjithëse të gjithë e njohin si e bija e ish-kampionit botëror të boksit, Aziz Salihu, Monika ka të afërm një tjetër yll me renome botërore, Rita Orën.

**Monika Salihu** (Foto: Monika Salihu/Instagram)

Monika, e cila njihet për këngët e saj “Çika e boksierit” dhe “Tip Narcizoid”, ka zbuluar se gjyshi i saj është vëlla me gjyshin e Rita Orës. Kjo do të thotë se Rita dhe Monika janë kushërira.

Kjo lidhje familjare vjen nga ana e nënës së Monikës, Agime Sahatçiu, e cila ka origjinë nga Peja dhe është vajza e xhaxhait të babait të Ritës, Besnik Sahatçiu.

“Gjyshi im dhe gjyshi i Ritës janë vëllezër. Nëna ime e ka vajzën e djalit të xhaxhait. E kam shumë të afërt. Unë jam më e madhe se ajo shtatë-tetë vite më e madhe se ajo, por unë e mbaj mend Ritën si të vogël kur vinte në Prishtinë dhe më dëgjonte mua duke kënduar, se vinte te gjyshja e vet, pastaj vinte edhe te ne”, kishte rrëfyer Monika vitin e kaluar në një intervistë për emisionin “1 Natë”.