Lajme

Çfarë do të ndodhë me biletat e blera të festivalit ‘Sunny Hill’?

Autori: Gazeta inFokus 21:42 | 14 June 2022

Pas anulimit të festivalit “Sunny Hill” në Prishtinë, faqja zyrtare e këtij festivali ka njoftuar blerësit e biletave se çka do të ndodhë me biletat e tyre.

Personat të cilët tashmë i kanë blerë biletat e hershme (“Believers”) dhe nuk mund të shkojnë në festival në Tiranë, do të mund të rimbursojnë biletat e tyre.

Të njëjtat bileta do të jenë valide edhe për ata që dëshirojnë të shkojnë në edicionin që planifikohet të mbahet në kryeqytetin e Shqipërisë.

-Advertisement-

“Ne duam të informojmë të gjithë ata që tashmë i kanë blerë biletat, se ato do të jenë vlefshme për festivalin e “Sunny Hill 2022- Edicioni në Tiranë”, ndërsa ata që nuk do mund të marrin pjesë në festivalin në Tiranë, mund të rimbursojnë biletat e tyre”, thuhet në njoftimin e faqes zyrtare të “Sunny Hill”.

Faqja e rimbursimit sipas njoftimit, do të hapet nga data 1 korrik deri me 15 korrik, ndërsa detajet dhe udhëzimet do të publikohen në ditët në vijim.

Subscribe në YouTube: GAZETA INFOKUSI

Të tjera

Fokusi

lajme