Fokus

Çfarë do të ndodh nëse largohet UNMIK-u nga Kosova?

Autori: Gazeta inFokus 09:41 | 10 April 2025

Shtetet e Bashkuara të Amerikës, kanë kërkuar mbylljen graduale të misionit, të Administrata e Përkohshme e Kombeve të Bashkuara në Kosovë (UNMIK), shkruan Gazeta Infokus.

Sipas tyre misioni i tij konsiderohet të jetë i tejkaluar dhe ka shpenzime të panevojshme.

Përfaqësuesi i SHBA-së në Këshillin e Sigurimit të OKB-së, John Kelley, tha se 81 për qind e buxhetit të UNMIK-ut shpenzohet për paga të stafit, ndërkohë që misioni nuk ka më ndonjë funksion të vërtetë në Kosovë dhe nuk kontribuon në paqe.

-Advertisement-

“UNMIK është një mision paqeruajtës pa paqeruajtës, me një mandat të tejkaluar prej kohësh. SHBA u bën thirrje anëtarëve të tjerë të Këshillit që të rishqyrtojnë mandatin e UNMIK-ut dhe të fillojnë një mbyllje të rregullt të operacioneve të tij. Koha për këtë tranzicion ka kaluar,” deklaroi Kelley.

Po ashtu Ministrja në detyrë e Punëve të Jashtme të Kosovës, Donika Gërvalla, në fjalimin e saj në Këshillin e Sigurimit të OKB-së ka kërkuar gjithashtu largimin e UNMIK-ut nga Kosova.

Ajo argumentoi se UNMIK-u nuk përmbush më asnjë funksion që justifikon praninë e tij, duke kritikuar misionin për shtrembërimin e fakteve dhe humbjen e kredibilitetit.

“UNMIK-u nuk përmbush më asnjë funksion që do të justifikonte praninë e tij. Përderisa organizatat e tjera ndërkombëtare, si OSBE-ja, Këshilli i Evropës dhe Bashkimi Evropian (BE), ofrojnë vlerësime të balancuara për zhvillimet në Kosovë, UNMIK vazhdon të shtrembërojë faktet dhe në këtë mënyrë e mashtron këtë Këshill”, tha Gërvalla para të pranishmëve.

Por cili është funksioni dhe misioni i UNMIK-ut në Kosovë.

Administrata e Përkohshme e Kombeve të Bashkuara në Kosovë (UNMIK) u krijua në vitin 1999 pas Luftës së Kosovës, me qëllim të mbikëqyrjes së kalimit të Kosovës nga një territor i administruar nga kombet e bashkuara në një shtet të pavarur dhe të stabilizuar.

Disa nga detyrat kryesore të UNMIK-ut janë:

Administrimi i Kosovës:

Përforcimi i sigurisë:

Përgatitja për pavarësinë:

Zgjidhja e çështjeve të komunitetit:

Por cilat janë të mirat dhe të këqijat që do të sillte mbyllja e UNMIK-ut në Kosovë?

Për të parë më shumë ndiqeni storien më poshtë ku ceken disa pika pozitive dhe negative nëse do të ndodhte largimi i UNMIK-ut nga Kosova:

Subscribe në YouTube: GAZETA INFOKUSI