Lajme

Çfarë biseduan Rama e Abdixhiku në takimin me dyer të mbyllura?

Autori: Gazeta inFokus 13:06 | 27 September 2021

Kryetari i Lidhjes Demokratike të Kosovës, Lumir Abdixhiku pas takimit me kryeministrin e Shqipërisë, Edi Rama ka treguar se çfarë biseduan prapa dyerve të mbyllura.

Ai ka thënë se raportet ndërshqiptare janë bazamenti i suksesit ndërmjet vendeve, shkruan Gazeta Infokus.

Abdixhiku përmes një shkrimi në rrjetin social Facebook është shprehur se kanë biseduar për proceset dhe gjendjes së tanishme në veri të Kosovës.

“Sot, me bashkëpunëtorë, në selinë e LDK-së, prita në takim Kryeministrin e Shqipërisë, Edi Rama. Diskutuam mbi relacionet e dy vendeve; situatën e krijuar në veri; si dhe të ardhmen e përbashkët në familjen euro-atlantike. Kryeministrin Rama e falënderova për përkrahjen që po i jep Kosovës në proceset e rëndësishme. Po ashtu, nga ai, mora ftesë për një vizitë zyrtare në Shqipëri, të cilën do ta realizojë së shpejti. Raportet ndërshqiptare, janë bazamenti i suksesit tonë. Për këtë, unë dhe LDK jemi të përkushtuar pa hezitim”, ka njoftuar Abdixhiku./Gazeta Infokus/

Të tjera