Lajme

“Çështja e njohjes së Kosovës nuk ekziston në dokumentin franko-gjerman”

Autori: Gazeta inFokus 21:38 | 29 October 2022

Zyrtari i lartë i PDK-së, Bekim Çollaku ka theksuar se askush nga partia e tij, nuk e ka parë dokumentin franko-gjerman.

”Deri në këto momente që po flasim, askush nga PDK nuk e ka parë dokumentin franko- gjerman”, tha ai.

Ndonëse thonë se nuk e ka parë dokumentin franko-gjerman, ai thotë se ky dokument parasheh themelimin e Asociacionit të Komunave me Shumicë Serbe.

-Advertisement-

Sipas tij, ky dokument nuk e parasheh njohjen nga Serbia.

“Çështja e njohjes së Kosovës nuk ekziston në dokumentin franko-gjerman”, ka theksuar ai.

Çollaku ka theksuar se nga taksa e vendosur nga Qeveria Haradinaj, Kosova ka stagnuar në dialog, dhe kjo sipas tij i ka kushtuar Kosovës.

”Ne nuk mund të avancojmë në dialog duke shku në Bruksel e duke thënë se si po armatoset Serbia nga Rusia. Ata e dijnë shumë mirë se si dhe nga kush armatoset Serbia. Ne nuk kemi treguar vullnet dhe gatishmëri për marrëveshjen përfundimtare”, tha ai.”Ne kemi vetëm një shpresë, në këtë rast është kokfortësia e kryeministrit Kurti, i cili gjithmonë, në vazhdimësi e ka kundërshtuar këtë proces, duke thënë se është proces i dëmshëm, dhe sjellë vetëm të këqija. Nuk dua ta fajësojë për të kaluarën, por dua ta mbajë përgjegjës, pasi tani është në krye të dialogut. Ai duhet të jap llogari, pasi që tani është në këtë proces dhe se çka do të bëjë në këtë proces. Duke i besuar mentalitetit të tij, qoftë nga ana intelektuale e patriotike, unë dua t’i besoj asaj që ai ka thēnë se nuk do të ketë marrëveshje pa njohje”, tha ai për Blic.

Ish- bashkëpunëtori më i afërt i presidentit Thaçi, i ka kërkuar Kurtit mos të pranoj asnjë marrëveshje me Serbinë, nëse nuk parashihet njohja e Kosovës.Ai tha se PDK nuk e pranon një marrëveshje me Serbinë, e cila nuk përmbyllet me njohje reciproke.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme