Lajme

Çeku: Debati për restaurimin e shtëpisë së Xhafer Devës ka origjinë në Serbi

Autori: Gazeta inFokus 14:51 | 09 February 2022

Ministri i Kulturës, Hajrulla Çeku, ka thënë se debati për Xhafer Devën e ka origjinën në Serbi.

Në një konferencë për media, Çeku theksoi se kjo shtëpi duhet të restaurohet pasi është në gjendje të keq, transmeton Klankosova.tv.

“Debati i ditëve të fundit ka origjinën në Serbi dhe kjo është e qartë, paradoksalisht, një shtet që mohimin e gjenocidit dhe rehabilitimin e kriminelëve e ka politik shtetërore tenton ta fabrikojë një narracion duke e portretizuar Kosovën si mohuese të holokaustit. Ky është një narracion i gënjeshtërt që vjen nga Serbia, sepse faktet historike janë kokëforta dhe nuk janë në anën e Serbisë, faktet aktuale e përgenjështrojnë këtë narracion absurd dhe të rrezikshëm të Serbisë”, tha Çeku.

-Advertisement-

“Monumenti i mbrojtur që në listën tonë figuron me emrin shtëpia e Xhafer Devës, është monument me pronësi publike. Përgjatë gjithë historisë së saj ka pasur edhe funksione të ndryshme publike, si shtëpi e shëndetit dhe të tjera, ka vlera të mëdha historike, edukative, shoqërore dhe të tjera. Është pjesë e kujtesës kolektive të banorëve të muzikës dhe është në gjendje të keqe, ka nevojë për restaurim, ndërtesa ka pësuar nga zjarri i vitit 2015, ndërsa ndërhyrja e fundit është bërë në vitin 2018 dhe ne kemi nevojë ta përfundojmë këtë punë të nisur qysh vite më parë”.

“Monumenti ka nevojë të restaurohet. Nuk po rehabilitohet historia e Xhafer Devës, s’po bëjmë asgjë veçse po e mbrojmë trashëgimë kulturore. Pas restaurimit, do të vendoset qendra rajonale e trashëgimisë kulturore në Mitrovicë”, tha Çeku gjatë konferencës për medie.

Subscribe në YouTube: GAZETA INFOKUSI