Fun & Video

Çeki/ ‘Plasin’ grushtet në parlament pasi deputetit i mbyllin mikrofonin (VIDEO)

Autori: Gazeta inFokus 10:20 | 22 January 2021

Një debat i ashpër, i cili përfundoi në konfrontim fizik ka ndodhur në parlamentin e Çekisë për shkak të zgjatjes së gjendjes së emergjencës për koronavirusin.

Incidenti filloi kur Tomas Hanzel, nënkryetari i Dhomës së Parlamentit i mbylli mikrofonin Lubomir Volny, një deputet nga listat e pavarura, për shkak të kritikave rreth kësaj çështje.

Por Volny nuk u dorëzua. Ai shkoi në tavolinën e nënkryetarit për të folur me mikrofonin e tij dhe tha: “Si përfaqësues i zgjedhur i popullit, kam të drejtë të flas”.

-Advertisement-

Hanzel nuk donte ta lejonte, por deputeti i mbajti krahët. Në ndihmë i erdhën kolegët, por Lubomir Volny i shtynte të gjithë.

Pas konfliktit fizik me disa prej tyre, Volny u largua dhe seanca plenare u pezullua për 15 minuta. Deputetët çekë diskutuan kërkesën e qeverisë për të zgjatur urgjencën kombëtare të koronavirusit edhe një muaj. Volny konsiderohet një kritik i mprehtë i kufizimeve të Covid-19 dhe ai refuzon të mbajë një maskë në parlament, megjithëse është me detyrim.

Subscribe në YouTube: GAZETA INFOKUSI
Etiketa:

Të tjera

Fokusi

fun-video