Sport

Cancelo mbërrin në Torino, gati të vishet bardhezi

Autori: Gazeta inFokus 07:15 | 27 June 2018

Ish mbrojtësi i Interit, portugezi Joao Cancelo ka mbërritur në Itali, ku pritet të vijojë karrierën e tij edhe për të paktën vitin e ardhshëm.

Ai ka zbarkuar në Torino mbrëmjen e sotme dhe nesër pritet të kryejë vizitat mjekësore dhe më pas të firmosë kontratën e bashkëpunimit me Juventusin.

Mediat italiane raportojnë se Cancelo do të nënshkruajë një kontratë 5-vjeçare me rreth 3 milionë euro në sezon, me skuadrën bardhezi.

-Advertisement-

Nga ana tjetër, Juventusi do të paguajë plot 40 milionë euro për kartonin e tij, të ndara në 3 këste.

Cancelo ishte autor i një paraqitjeje mjaft të mirë me Interin gjatë vitit 2018, por zikaltrit vendosën të mos paguajnë 38 milionë euro për blerjen e tij.

Subscribe në YouTube: GAZETA INFOKUSI
Etiketa:

Të tjera

Fokusi

sport