Cakolli: Zgjedhjet treguan pamundësinë e institucioneve për të garantuar proces gjithëpërfshirës
![](https://gazetainfokus.com/wp-content/uploads/2023/04/Demokracia-ne-Veprim-DnV-konference-mbarevajtjen-e-procesit-zgjedhor-te-14-shkurtit-Eugen-Cakolli-foto-Ridvan-Slivova-3-e1635182962729-1200x630-1-600x3601-1.jpg)
Autori: Gazeta inFokus
18:14 | 23 April 2023
Eugen Cakolli nga Demokracia në Veprim (DnV) ka thënë se zgjedhjet në veri po karakterizohen me atmosferë të qetë, si shkak i mungesës së votuesve. Sipas tij, kjo ka treguar mangësitë që ka ky proces zgjedhor dhe pamundësisë së institucioneve për të garantuar proces gjithëpërfshirës. Ai ka mohuar se ka Njësi Speciale që po garantojnë mbarëvajtjen e këtij procesi në katër komunat veriore.
“Nga ajo që ne si Demokraci n’Veprim kemi parë deri më tash, zgjedhjet në veri janë duke u karakterizuar nga një atmosferë relativisht e qetë që vije si rezultat i mungesës së votuesve, në veçanti atyre nga radhët e komunitetit serb, përkatësisht daljes krejtësisht minimale dhe simbolike. Pra, po flasim për numra njëshifrorë, e madje në qendra të ndryshme të votimit edhe asnjë votues serb, të cilët nuk e kanë ushtruar të drejtën e tyre të votës, të paktën deri në këtë kohë”, ka thënë ai për KosovaPress.
Kjo, sipas Cakollit, tregon mangësitë e këtij procesi zgjedhor dhe pamundësitë e institucioneve për të garantuar proces gjithëpërfshirës.
“Kjo tregon edhe një herë për mangësitë që ka procesi zgjedhor si dhe pamundësisë së institucioneve tona për të garantuar një proces, i cili do të ishte gjithëpërfshirës, përkatësisht kur do të ofrohej mundësitë në kuptim të situatës së sigurisë që të marrin pjesë edhe votuesit nga radhët e komunitetit serb, të cilët për shkak të presioneve, mungesës së interesimit, por edhe mungesës së kandidatëve nga radhët e komunitetit serb, të cilën kanë vendosur që të mos marrin fare pjesë në procesin e votimit”, ka deklaruar më tej ai.
Nga monitorimet në qendrat e votimit, Cakolli ka thënë se nuk kanë vërejtur parregullsi.
“Nga ajo çfarë mund të evidentojmë, të paktën në qendrat alternative të votimit, të cilët janë pak më të ndjeshme për shkak të lokacioneve të tyre, nuk është se ka ndonjë parregullsi, për shkak të mungesës së votuesve. Edhe po të kishte të tilla, janë të natyrës teknike, mungesës së energjisë elektrike si dhe fakti që policia po duhet të ruajë në vazhdimësi këto qendra nga frika e ndonjë incidenti që pastaj do të mund të kompromentonte edhe vetë integritetin e procesit zgjedhor”, u shpreh ai.
Cakolli ka thënë se në Komunën e Leposaviqit dhe atë të Zveçanit vërehet në afërsi të qendrave të votimit një prezencë e shtuar e njësive të KFOR-it dhe forcave të EULEX-it.
“Nuk qëndrojnë deklarimet dhe aludimet që janë njësitë speciale ato që janë duke garantuar mbarëvajtjen, për shkak se në afërsi të të gjitha qendrave të votimit është vërejtur kryesisht prani e forcave të rregullta të policisë që është në përputhje me dispozitat ligjore në fuqi”, ka thënë ai.
Në katër komunat veriore të drejtë vote kanë mbi 45 mijë qytetarë. Deri në orën 15:00 kanë votuar mbi 1092 qytetarë në katër komunat në veri të Kosovës./KP
![](https://gazetainfokus.com/wp-content/uploads/2023/12/414852708_7280633965309387_5391335122745764068_n-1130x635-1.jpg)
Të tjera
-
Osmani thotë se Shefi i CIA’s ka pasur vetëm një kërkesë – “S’është e jashtëzakonshme, por s’mund ta bëjë publike”
Një kërkesë nga Shtetet e Bashkuara të Amerikës është paraqitur për Kosovën n...
-
Osmani: Zgjedhjet dhe referendumi i Serbisë u ndalën në zyrën time
Presidentja e Kosovës, Vjosa Osmani, ka thënë se ajo ka qëndruar në të gjitha...
-
Ende pa datë takimi mes Kosovës dhe Serbisë
Ndonëse nuk është bërë e ditur data e takimit të ardhshëm mes Kosovës e Serbi...
-
Abdixhiku e mbështet Zhegrovën, pas përjashtimit, e quan aset kombëtar
Kryetari i Lidhjes Demokratike të Kosovës, Lumir Abdixhiku, ka reaguar pas pë...
-
Osmani flet për masat e BE-së ndaj Kosovës: Javëve të fundit disa shtete kanë kërkuar të mbeten masat
Presidentja e Kosovës, Vjosa Osmani, deklaroi se javëve të fundit janë njoftu...
-
Ben-Meir: Njohja e Kosovës nga Serbia do të përshpejtohet sapo të largohet Putini
Alon Ben-Meir, profesor amerikan në pension dhe ekspert i politikës ballkanik...
-
Tym i madh në këtë lagje të Prishtinës
Një zjarr i ndezur në lagjen Taukbahçe të Prishtinës ka bërë që ambienti në a...
-
Weber: BE-ja dhe SHBA-të janë përgjegjësit më të mëdhenj për kolapsin e dialogut ndërmjet Kosovës dhe Serbisë
Bodo Weber, bashkëpunëtor i lartë në Këshillin joqeveritar për Politikat e De...
-
Harris-Trump, publikohen disa rezultate interesante të sondazheve, në prag të debatit presidencial televiziv
Gara presidenciale e SHBA-së mbetet shumë e fortë, sipas sondazheve të publik...
-
Të shtëna me armë zjarri në Shkodër, plagoset një 29-vjeçar
Të shtëna me armë zjarri janë regjistruar para pak minutave në fshatin Golem ...
-
“Qeveria për arkeologjinë”, Kurti tregon çfarë po bën ekzekutivi në këtë drejtim
Kryeministri i Kosovës, Albin Kurti, ka shkruar të dielën në Facebook për për...
-
Rama: Kush nuk deklaron pagat reale do ta trajtojmë si hajdut
Kryeministri i Shqipërisë Edi Rama deklaroi në një mbledhje të asambkesë së P...