Lajme

Cakolli: Nëse një ministër jep dorëheqje nuk do të thotë që më nuk ka ministri, shtetin nuk e mbajnë individët apo emrat e përveçëm, e mban sistemi

Autori: Gazeta inFokus 12:46 | 16 April 2025

Eugen Cakolli nga Instituti Demokratik i Kosovës (KDI) ka thënë me “mandat të kryer” apo “në detyrë” – prapë është Qeveri, shkruan Gazeta Infokus.

Ai përmes një postimi “Facebook” ka thënë se nëse një ministër jep dorëheqje nuk do të thotë që më nuk ka ministri.

Por siç e sqaroi ai, shtetin nuk e mbajnë individët apo emrat e përveçëm por e mban sistemi.

-Advertisement-

“Disa po thonë: “Po nëse të gjithë japin dorëheqje, kush e udhëheq shtetin?” Përgjigjja është e qartë dhe e nënkuptueshme: shtetin nuk e mbajnë individët apo emrat e përveçëm – e mban sistemi. Zëvendës(krye)ministrat, sekretarët e përgjithshëm dhe administrata janë aty. Ka instrumente tranzicioni dhe ka mekanizma për të funksionuar përkohësisht. Ideja është që institucionet të zgjidhen sa më shpejt – jo që të kalkulohet e kundërta. Në fund të fundit, nuk ka asnjë nen që thotë ‘ose qëndro në dy funksione, ose le shtetin pa qeverisje’. Ligji thotë thjesht – mos mbaj dy pushtete njëkohësisht”, tha Cakolli.

Sipas tij, një ministër nuk pushon së qeni ministër vetëm pse shkon për të dhënë betimin në Kuvend.

“Nëse je ende në Qeveri – në çfarëdo kapaciteti – je pjesë e pushtetit ekzekutiv. Të jesh ‘në detyrë’ nuk do të thotë që je ‘ish-(krye)ministër’. Do të thotë që nuk ke më mandat të plotë – por ke ende pushtet. E pikërisht për këtë arsye, ligji ndalon që të jesh njëkohësisht edhe në Qeveri, edhe në Kuvend. Sepse nuk mund t’i shërbesh dy pushteteve në të njëjtën kohë. Jo për arsye estetike, por për rend demokratik”, ka thënë ai./Gazeta Infokus/

Më poshtë gjeni postimin e tij të plotë:

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme