Buxheti i vitit 2021 së shpejti do miratohet në Kuvend
Autori: Gazeta inFokus 14:07 | 31 October 2020
Buxheti i vitit 2021 pritet që shumë shpejt të shkojë për miratim në Kuvend. Mirëpo, koalicioni qeverisës ende nuk e di a do t’i këtë votat e mjaftueshme për kalimin e buxhetit. Ndërkaq, përfaqësues nga shoqëria civile vlerësojnë që buxheti duhet të kalojë pa vonesa, pasi ekonomia e vendit është e rrënuar për shkak të pandemisë.
Kuvendi i Kosovës është duke u përballur me mungesë të kuorumit për kalimin e shumë projektligjeve. Fat të njëjtë pritet të ketë edhe Projektligji për buxhetin. Por, njohës të zhvillimeve politike po vlerësojnë se deputetët duhet të jenë të përgjegjshëm për sa i përket votimit të buxhetit, për shkak se ekonomia e vendit është e rrënuar si pasojë e pandemisë. Eugen Cakolli, nga Instituti Demokratik i Kosovës, tha për Radio Kosovën se Qeveria duhet të tentojë në të gjitha format që kalojë buxhetin, për të shmangur krizat ekonomike që mund të prekin sektorin publik.
“Është obligim i qeverisë që të tentojë me të gjitha format parlamentare që t’i sigurojë votat për kalimin e buxhetit. Në mënyrë që të shmangen krizat eventuale ekonomike apo tensionet qytetare për shkak të mos kalimit të buxhetit që medoemos do e prekte sektorin publik, atëherë unë besoj që Qeveria duhet të ndryshojë qasjen karshi opozitës.”
Edhe analisti politik, Blerim Burjani, tha se deputetët do të duhej të jenë të përgjegjshëm dhe ta aprovojnë buxhetin, duke i lënë anash siç i quajti ai, luftërat politike pozitë-opozitë.
“Si deputetë të të gjitha partive politike, duke e parë situatën ekonomike në të cilën ndodhet vendi, duhet të jenë të përgjegjshëm dhe të ndërgjegjshëm të arrijnë qëllimin dhe të aprovojnë buxhetin për vitin 2021. Ndërkaq, betejat politike pozitë-opozitë t’i lënë anash.”
Qeveria e Kosovës e ka miratuar Projekt-buxhetin prej 2 miliardë e 412 milionë eurosh për vitin 2021. Ndërkaq, pritet që javët në vazhdim të shkojë në Kuvend për aprovim. Në bazë të procedurave ligjore, fundi i tetorit është koha kur qeveria duhet ta miratojë propozim-buxhetin për vitin fiskal dhe ta dorëzojë në kuvend, kurse afati përfundimtar kur duhet të miratohet nga deputetët e Kuvendit të Kosovës është data 31 dhjetor.
Të tjera
-
Në seancë të mbyllur nis dëshminë dëshmitari i 57-të në rastin Thaçi dhe të tjerët
Në Dhomat e Specializuara të Kosovës (DhSK) në Hagë po vazhdon dëshminë dëshm...
-
Nis seanca, PDK kërkon debat parlamentar në lidhje me të gjeturat e raportit të DASh-it
Shefi i grupit parlamentar të PDK-së, Abelard Tahiri, ka kërkuar në emër të p...
-
Kusari-Lila: Mundësia e marrëveshjes për dinarin varet nga BE-ja sa po e bind Serbinë të mos jetë palë destruktive
Shefja e deputetëve të Lëvizjes Vetëvendosje, Mimoza Kusari Lila, ka thënë se...
-
Shefja e USAID-it, ai i UNICEF-it dhe ministrja Nagavci vizitojnë Gjilanin
Komunën e Gjilanit e ka vizituar drejtoresha e Misionit të USAID-it në Kosovë...
-
6 miliardëshi për Kosovën e Ballkanin, vendimi i fundit i legjislaturës së tanishme të PE-së
Para se ta përfundojë mandatin, legjislatura e tanishme në Parlamentin Evropi...
-
Keqpërdori pozitën zyrtare, kërkohet paraburgim ndaj të dyshuarit
Prokuroria Themelore në Ferizaj, Departamenti i Krimeve të Rënda, ka kërkuar ...
-
Arrestohen dy të dyshuar në Mitrovicë për dhënie e marrje të ryshfetit
Të mërkurë në Mitrovicë janë arrestuar dy të dyshuar meshkuj, njëri shtetas i...
-
Kushtetuesja e Speciales me vendim në rastin ‘Januzi e të tjerët’
Gjykata Kushtetuese e Speciales ka hedhur poshtë referimin lidhur me Rregullo...
-
Ministri Maqedonci udhëton në Hungari, pritet t’i zhvillojë disa takime
Ministri i Mbrojtjes, Ejup Maqedonci, ka udhëtuar për vizitë pune në Hungari....
-
Suharekë: Hyjnë me forcë në shtëpi dhe vjedhin para e stoli ari
Një person në Suharekë ka raportuar në polici të mërkurën se persona të panjo...
-
Rasti i Kolovicës ku mbetën të vrἀrë dy persona, arrestohet një i dyshuar
Policia e Kosovës ka konfirmuar se është arrestuar njëri prej të dyshuarve pë...
-
Kurti bashkëbisedoi me pjesëtarë të mërgatës në Hanover të Gjermanisë
Gjatë qëndrimit në Hanover, ku mori pjesë në panairin “Hannover Messe 2024”, ...