Lajme

Burri nga Gjakova nga pakujdesia godet me veturë nipin e tij 1 vjeçar

Autori: Gazeta inFokus 09:39 | 02 July 2022

Një fëmijë 1 vjec ka pësuar lëndime trupore serioze, pasi i njëjti dyshohet se është shkelur me veturë si pasojë e pakujdesisë së xhaxhait të tij, shkruan Gazeta Infokus.

Sipas policisë, rasti ka ndodhur mëngjesin e së premtes në Gjakovë, ku më pas fëmija është dërguar për tretman mjekësor në Qendrën Klinike Universitare të Kosovës për tretman.

Lidhur me rastin është konsultuar edhe prokurori, me vendim të së cilit rasti shkon në procedurë të rregullt.

“I dyshuari mashkull kosovar derisa ishte duke drejtuar veturën në oborrin e tij, dyshohet se nga pakujdesia ka goditur viktimën mashkull kosovar -fëmijë (2021)-nipin e tij, të cilit i ka shkaktuar lëndime serioze. Viktima është dërguar për tretman mjekësor në QKUK. Në konsultim me prokurorin, rasti shkon në procedurë të rregullt”, njofton policia./Gazeta Infokus/

Të tjera