Lajme

Bukoshi nuk e priti vendosjen e pllakatës në ndërtesën ku ishte qeveria e Kosovës në ekzil – ambasadori Ajeti jep detaje

Autori: Gazeta inFokus 16:08 | 10 Qershor 2025

Ambasadori i Kosovës në Gjermani, Faruk Ajeti, ka reaguar me dhimbje pas ndarjes nga jeta të ish-kryeministrit të Kosovës, Bujar Bukoshi. Ai vlerësoi lart kontributin e Bukoshit në periudhën më të vështirë për popullin e Kosovës, duke e cilësuar si një ndër figurat kyçe të shtetformimit.

“Në kohë të errëta për Kosovën, ai ishte zëri dhe fytyra e popullit tonë, si Kryeministër i Qeverisë në ekzil dhe bashkëpunëtor i ngushtë i Presidentit historik Ibrahim Rugova,” shkroi Ajeti në një postim ngushëllues, shkruan Gazeta Infokus.

Ai theksoi se kontributi i Bukoshit do të mbetet përgjithmonë pjesë e kujtesës sonë institucionale dhe kolektive.

-Advertisement-

Ajeti shprehu keqardhje që jeta nuk i dha mundësinë Bukoshit të ishte i pranishëm edhe për pak ditë – për të marrë pjesë në zbulimin e pllakatës përkujtimore në Bon të Gjermanisë, në ndërtesën ku funksionoi Qeveria e Kosovës në ekzil gjatë viteve 1995–1999, të cilën Bukoshi e drejtoi për pjesën më të madhe.

“Ngushëllimet më të sinqerta familjes Bukoshi. Qoftë i përjetshëm kujtimi i tij,” përmbylli ai.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy