Lajme

Bujar Osmani: Nëse dëmtohet Kosova, Maqedonia e Veriut tërhiqet nga ‘Ballkani i Hapur’

Autori: Gazeta inFokus 11:46 | 06 December 2022

Ministri i Jashtëm i Maqedonisë së Veriut, Bujar Osmani u shpreh se Maqedonia e Veriut tërhiqet nga nisma Ballkani i Hapur nëse dëmtohet Kosova.

Osmani tha se nisma Ballkani i Hapur ka për qëllim eliminim të barrierave e rritje bashkëpunimi mes shteteve por që nëse i dëshmohet se një iniciativë e tillë ka për qëllim dëmtimin e drejtpërdrejt të interesit të Kosovës atëherë ai vetë nuk do qëndronte as edhe një minutë në të.

Këto deklarata Osmani i ka bërë në një intervistë televizive në Syri tv, transmeton Gazeta Infokus.

“Nëse dikush më dëshmon që me Ballkanin e Hapur dëmtohet drejtpërdrejt interesi i Kosovës, ja ku po e them publikisht se Maqedonia e Veriut nuk do të qëndrojë asnjë minutë në atë iniciativë. Nuk ndërtojmë ne interesin tonë në kundërshtim me interesin e Kosovës”, është shprehur Ministri Osmani./Gazeta Infokus/

Të tjera