Bujar Ejupi shkarkohet jashtëligjshëm, pritet t’i nënshtrohet një operimi
Autori: Gazeta inFokus 14:24 | 23 August 2023
Në ditën e parë të shfrytëzimit të një pushimi një-javor mjekësor, Bujar Ejupi është shkarkuar nga pozita.
Drejtori i Autoritetit të Aviacionit Civil është shkarkuar sot me vendim të Qeverisë së Kosovës.
Arsyetimin për përfundim të parakohshëm të mandatit të Ejupit para kabinetit qeveritar, e ka dhënë zëvendësministri i Infrastrukturës, Hysen Durmishi.
“Mosaprovimi i raporteve vjetore të AAC-së nga Kuvendi i Kosovës, raportimi i shkeljeve profesionale të Ejupit nga ana e Bordit mbikëqyrës të AAC-së, raportimi me shumë gjetje i Autoritetit Mbikëqyrës të Islandës në emër të KFOR-it, raporti me 20 gjetje i ekspertëve austriakë si dhe një varg shkeljesh tjera, paraqesin bazë të mjaftueshme për përfundim të parakohshëm të mandatit të tij”, ka theksuar Durmishi.
Vendimi për shkarkimin e tij dyshohet të jetë në kundërshtim me Ligjin e Punës, raporton Paparaci. Sipas Ligjit të Punës, punonjësi nuk mund të shkarkohet në periudhën e shfrytëzimit të pushimit mjekësor.
Bujar Ejupi ka shkuar në pushim mjekësor nga dita e mërkurë e 23 gushtit, tregon një komunikim zyrtar i tij me ministrin e Infrastrukturës, Liburn Aliu.
Në këtë e-mail të datës 22 gusht, të cilin e ka siguruar Paparaci, Ejupi e njofton ministrin Aliu se ndodhet në pushim mjekësor për rreth një javë.
“Ju njoftoj se për shkak të gjendjes mjekësore, do të jem në pushim nga data 23.08.2023 deri 01.09.2023”, i shkruan Ejupi, ministrit. “Ju falënderoj për mirëkuptimin dhe ju lutem që në rast nevoje të menjëhershme të kontaktoni z. Kushtrim Musa dhe znj. Nora Bakalli”.
Paparaci, ka marrë vesh se Bujar Ejupi pritet t’i nënshtrohet një operimi gjatë periudhës së qëndrimit të tij në pushim mjekësor.
I telefonuar nga Paparaci të mërkurën, Ejupi e ka komentuar shkurt vendimin e qeverisë.
“Korrupsioni fitoi”, ka thënë shkurtimisht ai.
Megjithatë, vendimit për shkarkimin e Ejupit i është gëzuar Sindikata e punëtorëve të AAC-së, edhe pse ata e kanë quajtur vendim të vonuar.
“Vendimi vjen pas tre vjetësh me një numër të madh shkeljesh profesionale dhe keqmenaxhim të Bujar Ejupit të sinjalizuara nga Sindikata jonë të cilat janë vulosur edhe nga trupa ndërkombëtare që kanë vërtetuar se nën udhëheqjen e tij, AAC-ja ishte bërë pothuajse jofunksionale. Deputetët e Kuvendit të Republikës së Kosovës dy vite radhazi nuk i miratuan Raportet vjetore të AAC. Ky është largimi i tretë nga detyra në fushën e aviacionit për Bujar Ejupin. Urojmë që Ejupi të mos ketë më mundësi t’i afrohet institucioneve publike e as të lejohet të ketë autoritet ndaj të tjerëve, për shkak të veprimeve të tij përndjekëse e diskriminuese të ushtruara ndaj zyrtarëve të AAC të vërtetuara nga Institucioni i Avokatit të Popullit”, thuhet në reagimin e Sindikatës pas vendimit për shkarkim të Ejupit.
Të tjera
-
Banka Botërore: Kosova me numrin më të madh të të papunëve në rajon, punojnë vetëm 37% e të aftëve për punë
Banka Botërore thotë se shumica e ekonomive të gjashtë shteteve të Ballkanit ...
-
Avokati i familjes Hajrizi dorëzon padi ndaj Kurtit, Bislimit, deputetit Rexha e avokatit Halilaj
Avokati i familjes së Faton Hajrizit, Gent Gjini, ka dorëzuar padi dhe kallëz...
-
Gjykata e Strasburgut legjitimon përgjimet nga EncroChat, aplikacionin që përdor bota e krimit
Gjykata e Strasburgut e quan të ligjshëm përgjimin nga aplikacioni i bisedave...
-
Sveçla e Krasniqi vizitojnë komunën paralele serbe të Skenderajt në veri që u mbyll dje
Ministri i Punëve të Brendshme, Xhelal Sveçla dhe ministri i Pushtetit Lokal,...
-
Maqedonci: Premtuam fuqizim të ushtrisë, e realizuam!
Ministri i Mbrojtjes së Republikës së Kosovës, Ejup Maqedonci ka shkruar sot ...
-
Haxhiu: Ndaj VV-së po bëhet luftë hibride – Dejonën e çmoj shumë
Ministrja e Drejtësisë, Albulena Haxhiu, ka ripërsëritur qëndrimin e partisë ...
-
Bunjaku-Rexhepi: Dejona Mihali ka urdhëruar largimin e mediave nga thirrja në raportim e Bordit të KOSTT-it në 2021
Deputetja e LDK-së, Valentina Bunjaku-Rexhepi ka ndarë një intervistë të ...
-
RrGK i shkruan Konjufcës, kërkon zgjidhje për grevistet e Kuvendit
Rrjeti i Grave të Kosovës i ka dërguar letër kryekuvendarit, Glauk Konjufca, ...
-
CorrWatch: Neglizhenca e Ministrisë së Mbrojtjes shkaktoi problemin me ushqim në FSK, shkelën ligjin me procedurat e furnizimit
Iniciativa CorrWatch është shprehur e shqetësuar mbi procedurat e Ministrisë ...
-
Regjistrohen dy tërmete të njëpasnjëshme në Turqi
Dy tërmete janë regjistruar në Turqi. Fillimisht lëkundjet e para ishin me ma...
-
Hamza në vizitë të paparalajmëruar në Paris, pritet nga zyrtarë të lartë
Kryetari i Mitrovicës dhe kandidati i PDK-së për kryeministër, njoftoi së ësh...
-
Fenomeni i vetëlëndimit të nxënësve, SBASHK: Edukimi medial të bëhet lëndë obligative
SBASHK në lidhje me fenomenin e fundit të lëndimit të nxënësve në shkollat e ...