Lajme

BSPK në përkrahje të minatorëve të Trepçës

Autori: Gazeta inFokus 15:10 | 05 July 2018

Bashkimi i Sindikatave të Pavarura të Kosovës, përmes kësaj komunikate përkrah protestën e mbajtur sotme, të mbajtur nga minatorët e Trepçës para ndërtesës së Qeverisë.

Ndër të tjera, kryetari i BSPK-së – Avni Ajdini dhe Kryetari i Sindikatës së Pavarur të Trepçës – Shyqyri  Sadiku, para protestuese shprehen indinjatën ndaj Qeverisë dhe Bordit të Trepçës, të cilët nuk i kanë marrë parasysh kërkesat e minatorëve për t’i involvuar në draft Statutin për Trepçën si dhe njoftuan të pranishmit se protesta do të vazhdoj prapë derisa Qeveria të reflekton duke miratuar kërkesat e minatorëve.

“Minatorët kërkuan pensione të veçanta me lartësi 70% të pagës, që mosha e pensionimit të jetë 50-55 vjeç, ngase si rezultat i punës së rënde dhe kushteve të vështira për një vit kanë vdekur 26 minatorë pa arritur moshën mandatore të pensionit, shkaktare të të cilave vdekjeje dyshohen të kenë qenë kushtet dhe puna e vështirë. Si kërkesa tjera të minatorëve ishte edhe njohja e stazhit te benificuar, pensioneve invalidore, pensioneve familjar, njohja e stazhit të punës për vitet e ’89-’90, sigurimeve shëndetësore etj. Andaj, përmes kësaj komunikate BSPK-ja shprehë përkrahjen për cilindo veprim të ardhshëm sindikal që do ta ndërmerr Sindikata e Trepçës konform Ligjit për Organizimin sindikal, me qëllim të mbrojtjes së lirive dhe të drejtave të punëtorëve në vend”, thuhet në njoftimin për media.

-Advertisement-

Subscribe në YouTube: GAZETA INFOKUSI

Të tjera

Fokusi

lajme