Lajme

BSPK ndjehet e tradhtuar nga Qeveria, thotë se do t’i vazhdojë presionet sindikale

Autori: Gazeta inFokus 13:36 | 11 February 2018

Bashkimi i Sindikatave të Pavarura të Kosovës, pas mbledhjes së jashtëzakonshme të Kryesisë Ekzekutive të mbajtur gjatë ditës së sotme, është shprehur e pakënaqur lidhur me, siç thonë, “mos plotësimin e kërkesave të BSPK-së, të parashtruara edhe më herët para Qeverisë së Republikës së Kosovës dhe instancave tjera qeveritare”.

Nga të gjitha Sindikatat/Federatat e BSPK-së të përfaqësuara në Kryesinë Ekzekutive, në këtë mbledhje të jashtëzakonshme, “u vendos që të vazhdohet me presionet sindikale për realizimet e qëllimeve sindikale dhe u citua se BSPK-ja nuk do të lejon që të shkelen të drejtat elementare të punëtorëve”, raporton Koha.net.

Kështu, BSPK kërkon nga Qeveria që sa më shpejt të rregullohen katër çështje.

-Advertisement-

“Çështja e skemës pensionale për punëtorët e larguar me dhunë nga puna gjatë të viteve të ’90; çështja e pagës minimale në vlerën prej 250 Euro; rritja e pagave dhe çështja e rregullimit të sigurimit shëndetësor për të punësuarit”, thuhet në komunikatën e BSKP-së.

BSPK-ja thotë se është e vendosur që të mos i ndalojë veprimet dhe presionet sindikale deri në realizimin e çështjeve të cituara me lartë, andaj përkushtimi i BSPK-së do të jetë maksimal për realizmin e të drejtave elementare për punëtorët e vendit.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy