Lajme

Britania e Madhe zbulon planin tjetër të Putinit për pushtimin e Ukrainës

Autori: Gazeta inFokus 00:09 | 23 January 2022

Qeveria e Britanisë së Madhe ka publikuar një njoftim ku thotë se ka zbuluar planin e Putinit për pushtimin e Ukrainës.

Në njoftimin e publikuar thuhet se Kremlini ka në plan të instalojë një qeveri pro-ruse në Ukrainë.

Britania e Madhe pretendon se ka informacione që tregojnë se qeveria ruse po tenton të instalojë një udhëheqës pro-rus në Kiev, derisa shqyrton mundësinë edhe të pushtojë Ukrainën.

Ish-deputeti ukrainas Yevhen Murayev po konsiderohet si kandidat potencial për ta udhëhequr Ukrainën në rast se “bie” në dorë të Rusisë.

“Ne kemi informacion se shërbimet e inteligjencës ruse mbajnë lidhje me shumë politikanë ukrainas duke përfshirë këtu: Serhiy Arbuzov – Zëvendëskryeministri i parë i Ukrainës nga 2012-2014, Zëvendëskryeministri i parë nga viti 2010-2012 dhe shefi i stafit të ish-presidentit ukrainas Janukoviç, ish-zëvendës shefi i Këshillit të Sigurisë Kombëtare dhe Mbrojtjes së Ukrainës (RNBO) – Vladimir Sivkovich dhe Mykola Azarov, kryeministër i Ukrainës nga 2010-2014”, thuhet në njofim.

Tutje, në njoftim thuhet se disa prej tyre kanë kontakte me oficerët e inteligjencës ruse të përfshirë aktualisht në planifikimin e pushtimit të Ukrainës.

Krejt në fund, Britania e Madhe edhe një herë e ka bërë të qartë pozicionin e saj lidhur me zhvillimet në Ukrainë.

“Ne mbështesim pa mëdyshje sovranitetin dhe integritetin e saj territorial brenda kufijve të saj të njohur ndërkombëtarisht, duke përfshirë Krimenë. Ukraina është një vend i pavarur, sovran”.

Të tjera